स्वास्थ्यसमाचार/युनिभर्सल मेडिकल कलेजका विद्यार्थीको एक महिना अघिदेखिको आन्दोलन फिर्ता भएको छ ।  आन्दोलनरत विद्यार्थीले प्रमुख कार्यकारी अधिकृत कक्ष, प्राचार्य कक्ष, सह(प्राचार्य कक्ष, मेडिकल सुपरिटेन्डेन्ट कक्ष, इन्टर्नसिप संयोजक कक्ष, लेखा शाखा तथा मानव संशाधन शाखामा तालाबन्दी गरेका थिए । युनिभर्सल मेडिकल कलेज तथा शिक्षण अस्पताल भैरहवाकी प्रिन्सिपल प्रा।डा। लक्ष्मी पाठकलाई पदमुक्त गर्ने सहमति भएपछि विद्यार्थीको एक महिनादेखि जारी विद्यार्थीको आन्दोलन फिर्ता भएको हो। अस्पतालका प्रमुख कार्यकारी अधिकृत मोहनकुमार पिएसले विज्ञप्ति जारी गर्दै आन्दोलनरत विद्यार्थीसँग सहमति भई विद्यार्थीका माग सम्बोधन गरिएकाले आजदेखि कलेजको पठन पाठन र उपचार सेवा सुरु हुने जानकारी दिएका…

स्वास्थ्यसमाचार/ एडिस एजेप्टाइ र ए.ई. अल्बोपिक्टस  जातको पोथी लामखुट्टेको टोकाइबाट भाइरसको संक्रमण भई सर्ने डेंगी रोग अहिले प्रकोपको रुपमा देखिएको छ। डेंगीका मूख्य लक्षणहरू -उच्च ज्वरो आउनु -जोर्नी र मांशपेशीहरू बेस्सरी दुख्नु -आँखाको गेडी दुख्नु -बेस्सरी टाउको दुख्नु -शरीरमा राता बिमिराहरू आउनु -वाकवाकी लाग्नु वा वान्ता हुनु डेंगीबाट बच्ने उपायहरू: -एडिज जातको लामखुट्टेले दिनको समयमा टोक्दछ । त्यसमाथि पनि बिहान र साँझको समयमा टोक्ने सम्भावना बढी भएकोले सो समयमा थप सचेत हुने । -आफ्नो घर वरिपरि, कार्यस्थल र सार्वजनिक ठाँउहरूमा पानी जम्न नदिने । पानी राख्ने भाँडालार्ई लामखुट्टे नछिर्ने गरि राम्ररी छोपेर राख्ने…

स्वास्थ्यसमाचार/ डा गोविन्द केसी नेपालगंजस्थित भेरी अस्पताल पुगेका छन्। भूकम्पबाट घाइेहरुको उपचारका लागि डा। केसी आइतबार भेरी अस्पताल पुगेका हुन्। अस्पताल पुगेका केसीले त्यहाा उपचार गराइरहेका बिरामीहरुको रिपोर्ट हेरेर उपचारमा संलग्न भएका छन्।जाजरकोटको लामिडाँडा केन्द्रबिन्दु भएर शुक्रवार राती ६/४ रेक्टर स्केलको भूकम्प गएको थियो। भूकम्पमा परेर अहिलेसम्म १५७ जनाको मृत्यु भएको छ भने २ सय भन्दा जना घाइते भएका छन्। प्रहरीका अनुसार जाजरकोटमा १०५ जना र पश्चिम रुकुममा ५२ जनाएको मृत्यु भएको छ। प्रभावित क्षेत्रमा उद्धार र राहत वितरण कार्य आइतबारसम्म पनि जारी छ।  

स्वास्थ्यसमाचार/ भारत सरकारले जाजरकोट भूकम्पपीडितका लागि रु १६ करोड बराबरका राहत सामग्री हस्तान्तरण गरेको छ। जाजरकोट भूकम्पपछि भारतका प्रधानमन्त्री नरेन्द्र मोदीको नेपाल सरकारलाई हरसम्भव सहयोग गर्ने प्रतिवद्धताअनुरुप आज रु १६ करोडबराबरका आपत्कालीन राहत सामग्रीको पहिलो खेप नेपालगञ्ज विमानस्थलमा उपप्रधान एवम् रक्षामन्त्री पूर्णबहादुर खड्कालाई हस्तान्तरण गरिएको यहाँस्थित भारतीय दूतावासले जनाएको छ। भारतीय वायुसेनाको विशेष विमानले आज ढुवानी गरेका ११ टनभन्दा बढी राहत सामग्री मन्त्री खड्कालाई हस्तान्तरण गरिएको हो। आज हस्तान्तरित सामग्रीमा त्रिपाल, टारपोलिन सिट, कम्बल र स्लिपिङ ब्याग, पोर्टेबल भेन्टिलेटरलगायत चिकित्सा उपकरण र अत्यावश्यक औषधि छन्। भारत सरकारका तर्फबाट नेपालका लागि भारतीय…

स्वास्थ्यसमाचार/ उपप्रधानमन्त्री एवं रक्षामन्त्री पूर्णबहादुर खड्कासहितको एक उच्चस्तरीय टोलीले आइतबार  भेरी अस्पतालमा पुगेर घाइतेहरूको उपचार र स्वास्थ्यअवस्थाबारे जानकारी लिएको छ । उपप्रधानमन्त्रीसँगै कर्णाली प्रदेश सरकारका मुख्यमन्त्री राजकुमार शर्मा, नेपाली काँग्रेस कर्णाली प्रदेश संसदीयदलका नेता तथा निवर्तमान मुख्यमन्त्री जीवनबहादुर शाही, नेपाली सेना उत्तरपश्चिम पृतना हेडक्वाटरका पृतनापति उपरथी कृष्णदेव भट्ट, काँग्रेस कर्णाली प्रदेश सभापति ललितजंग शाहीसहितको टोलीले अस्पतालमा पुगेर घाइतेको स्वास्थ्य अवस्थाबारे जानकारी लिएको हो । सो अवसरमा उपप्रधानमन्त्री खड्काले घाइतेहरूसँग भेटेर उनीहरूको उपचारबारे जानकारी लिनुहुँदै चिकित्सकहरूसँग पनि उपचारका बारेमा जिज्ञासा राख्नुभयो । सो अवसरमा पत्रकारसँग कुरा गर्दै उपप्रधानमन्त्री खड्काले भूकम्पपीडितको उपचार,…

स्वास्थ्यसमाचार/शुक्रबार राति गएको भूकम्पमा परी ज्यान गुमाएकी जाजरकोटको नगलगाढ नगरपालिकाकी उपमेयर सरिता सिंहसहित ५५ जनाको अन्तिम संस्कार गरिएको छ। उपप्रधानमन्त्री एवं रक्षा मन्त्री पूर्णबहादुर खड्का, कर्णाली प्रदेशका मुख्यमन्त्री राजकुमार शर्मासहितको उपस्थितिमा अन्तिम संस्कार गरिएको हो। नलगाड नगरपालिका वडा नं ४ का अध्यक्ष बद्रीबहादुर पन्तले उपप्रमुख सिंहको निधनबाट पालिकालाई ठूलो क्षति पुगेको बताए। ‘पालिकाको विकास र समृद्धिमा महत्त्वपूर्ण योगदान पुर्‍याउने व्यक्ति गुमाउँदा ठूलो पीडा भएको छ,’ उनले भने। भूकम्प गएको समयमा उपप्रमुख सिंह सदरमुकाम खलङ्गा भए पनि श्रद्धाञ्जलीका लागि उनको पार्थिव शरीरलाई नलगाड ल्याइएको थियो। अध्यक्ष पन्तका अनुसार भूकम्पमा परी मृत्यु…

स्वास्थ्यसमाचार/भूकम्पपीडितलाई बुटवल उपमहानगरपालिकाले २५ लाख सहयोग गर्ने भएको छ। उपमहानगरपालिकाले भूकम्प प्रभावित क्षेत्रमा एकद्वार प्रणालीबाट राहत सामग्री पठाउन अपिलसमेत गरेको छ। गृह मन्त्रालय तथा जिल्ला प्रशासन कार्यालयका बैठकहरुको निर्णयबमोजिम बुटवलभित्रका संघसंस्था तथा क्लबहरुलाई एकीकृत रुपमा राहत सामग्री पठाउनका लागि आह्वान गरेको हो। बुटवल उपमहानगरपालिकामा आइतबार बसेको बैठकले बुटवलभित्रका सामाजिक संघ संस्था, व्यक्ति र क्लबहरुले पठाउने राहत सामग्री जाजरकोट र रुकुम पश्चिमसम्म पठाउन बुटवल उपमहानगरपालिकाले समन्वय र सहजीकरण गर्ने निर्णय भएको छ। जाजरकोट र रुकुम पश्चिममा राहत सामग्री पठाउँदा अव्यवस्थित भएको र वितरणमा कठिनाई भएकाले व्यवस्थित र एकीकृत रुपमा पठाउने र…

स्वास्थ्यसमाचार/लुम्बिनी प्रदेशका स्वास्थ्य मन्त्री राजु खनालले भुकम्प प्रभावितहरुको उपचारका लागी मन्त्रालयका तर्फबाट सबै प्रकारको सहयोग गर्न मन्त्रालय मातहतका कर्मचारिलाई निर्देशन दिनुभएको छ । कामको सिलसिलमा विदेश रहनु भएका स्वास्थ्य मन्त्री खनालले सचिवलाई टेलिफोन मार्फत जाजरकोट र रुकुम पुर्वमा भएको मानविय क्षेतीप्रति दुख ब्यक्त गर्दै घाइतेको उद्धार र उपचारमा सबै प्रकारको सहयोग गर्न निर्देशन दिनुभएको हो । घाइतेको उपचारका लागी औषधी सहितको चिकित्सकहरुको टोलि प्रभावित स्थलमै पु¥याउन भन्दै स्वास्थ्य मन्त्री खनालले प्रदेश मातहतका चिकित्सक सहित सबै स्वास्थ्यकर्मीलाई विपदमा परेकाको उपचारमा लाग्न आग्रह गर्नुभएको छ । स्वास्थ्य मन्त्री खनालले भुकम्पमा परी निधन…

स्वास्थ्यसमाचार/सरकारले जाजरकोट भूकम्पमा परी मृत्यु भएकाहरूलाई तत्काल मृतकका परिवारलाई प्रतिमृतक दुई लाख रुपैयाँका दरले राहत उपलब्ध गराउने भएको छ । आइतबार बिहान बसेको मन्त्रिपरिषद्को बैठकले भूकम्पमा परी मृत्यु भएकाहरूलाई प्रति मृतक परिवारलाई दुई लाख रुपैयाँका दरले राहत उपलब्ध गराउने निर्णय गरेको सञ्चारमन्त्री रेखा शर्माले जानकारी दिइन् । उनकाअनुसार बैठकले भूकम्पमा परी निधन भएकाहरूप्रति श्रद्धाञ्जली अर्पण गर्ने निर्णय गरेको छ भने शोकाकूल परिवारजनप्रति समवेदना व्यक्त गरेको छ । त्यस्तै, सरकारले भूकम्पमा परी घाइतेहरूको निःशुल्क उपचार गर्ने निर्णय गरेको छ भने प्रभावित परिवारहरूलाई अस्थायी आवास र सुरक्षा प्रबन्ध मिलाउने निर्णय गरेको छ…

स्वास्थ्यसमाचार : जाजरकोट र पश्चिम रुकुम लगायतका जिल्लामा हिजो मध्य राती गएको भूकम्पमा परि घाइते भएकाहरुको सम्पूर्ण उपचार संघिय सरकारले बेहोर्ने भएको छ । स्वास्थ्य तथा जनसंख्या मन्त्री मोहनबहादुर बस्नेतले भूकम्पमा परेर घाइते भएका सबैको उपचार संघिय सरकारले गर्ने बताए । मन्त्री बस्नेतले घाइतेहरुको उपचार नि:शुल्क गरिने जानकारी दिए । स्वास्थ्य तथा जनसंख्या मन्त्रालयले प्रदेश सरकारसँग समुन्यय गरेर आवश्यक औषधि सहित चिकित्सक र स्वास्थ्यकर्मीहरुको टोली भूकम्प प्रभावित क्षेत्रमा पुगेर उपचारमा संलग्न भइसकेको पनि स्वास्थ्य मन्त्री बस्नेतले जानकारी दिए । स्थानिय र प्रदेश स्तरीय अस्पतालमा उपचार संभव नभएका गम्भिर घाइतेको उपचारका…