स्वास्थ्यसमाचार/ स्वास्थ्य बीमा बोर्डले औषधि तथा स्वास्थ्यजन्य सामग्रीहरुको न्यून दररेट मात्र दाबी गर्न अस्पतालहरुलाई निर्देशन दिएको छ। बोर्ड र सेवा प्रदायक स्वास्थ्य संस्थाहरुको दररेटमध्ये जुन न्यून छ सोही दररेट मात्र दाबी गर्न बोर्डले निर्देशन दिएको हो। पुस २४ को बोर्डको निर्णय अनुसार स्वास्थ्य बीमा व्यवस्थापन सूचना प्रणालीमा संस्थाहरुले ‘आइटम तथा सर्भिसेस’ को न्यूनतम दाबी गर्न छुट्टै महल थप गरिएको बोर्डले जनाएको छ। यो व्यवस्था फागुन १ गतेबाट अनिवार्य रुपमा कार्यान्वयन गर्न सबै सेवा प्रदायक संस्थाहरुलाई बोर्डको निर्देशन छ।

स्वास्थ्यसमाचार/नेपाली कांग्रेसका सभापति गगन थापाले स्वास्थ्य बीमा कार्यक्रमलाई राष्ट्रिय गौरवको आयोजनाका रूपमा अघि बढाउने घोषणा गरेका छन् । ‘स्वास्थ्य परोपकार होइन, सुरक्षा हो’ भन्ने मान्यताका साथ अबको सरकारले स्वास्थ्य बीमालाई उच्च प्राथमिकतामा राख्ने उनले बताएका हुन् । सामाजिक सञ्जालमार्फत भिडियो सन्देश जारी गर्दै थापाले उपचारका लागि नागरिकले घरखेत बेच्नुपर्ने अवस्थाको अन्त्य गर्न कांग्रेसले स्पष्ट खाका तयार पारेको दाबी गरे । पूर्व स्वास्थ्यमन्त्री समेत रहेका थापाले आफ्नो कार्यकालमा देखेको पीडादायी अवस्थालाई स्मरण गर्दै अहिलेको स्वास्थ्य प्रणालीमा आमूल सुधारको आवश्यकता औँल्याएका छन् । उनले धेरै नागरिकले पैसा नभएकै कारण बिचमै उपचार छाड्नुपरेको…

स्वास्थ्यसमाचार/ स्वास्थ्य बीमा गरेका परिवारले अब बहिरंग (ओपीडी) सेवामार्फत एक आर्थिक वर्षमा अधिकतम २५ हजार रुपैयाँसम्म मात्र उपचार सुविधा पाउने भएका छन्। स्वास्थ्य बीमा बोर्डले ओपीडी सेवामा बढ्दो वित्तीय भार नियन्त्रण गर्दै बीमा कार्यक्रमलाई दीगो बनाउने उद्देश्यले उक्त सीमा तोक्ने निर्णय गरेको हो। यो व्यवस्था आगामी फागुन १ गतेदेखि लागू हुने बोर्डले जनाएको छ। बोर्डका सूचना अधिकारी विकेश मल्लका अनुसार बिमित बिरामीले ओपीडी सेवाबाट वार्षिक २५ हजार रुपैयाँसम्मको सुविधा लिन सक्नेछन्। त्यसपछि आवश्यक पर्ने उपचार सुविधा भने अस्पताल भर्ना (आईपीडी) र आकस्मिक (इमर्जेन्सी) सेवामार्फत उपयोग गर्न सकिनेछ। उनका अनुसार बोर्डको…

स्वास्थ्यसमाचार/लुम्बिनी प्रदेशकै ठूलो सरकारी अस्पताल बुटवलको लुम्बिनी प्रादेशिक अस्प्तालमा स्वास्थ्य बीमा कार्यक्रम बन्द हुने अवस्थामा पुगेको छ । अस्पतालले वर्षौदेखि बीमा प्राधिकरणबाट प्राप्त गर्नुपर्ने भुक्तानी नपाएपछि सेवा बन्द गर्नुपर्ने अवस्थामा पुगेको हो । अस्पतालले स्वास्थ्य बीमा बोर्ड बबरमहल काठमाडौँलाई पत्राचार गर्दै बीमा कार्यक्रम बन्द गर्नुपर्ने अवस्थामा पुगेको जानकारी गराएको छ । अस्पतालका मेडिकल सुपेरिटेन्डेन डा. इन्द्र ढकालका अनुसार अस्पतालबाट दाबी रकम मध्ये बीमा बोर्डबाट स्वीकृत भएको रकम २४ करोड ७१ लाख रुपैयाँ प्राप्त हुन नसक्दा औषधी तथा उपकरण खरिदमा समस्या सिर्जना हुनुका साथै कर्मचारीहरुलाई सेवा सुविधा समेत उपलब्ध गराउन नसकिने…

स्वास्थ्यसमाचार/ विश्वका १ सय ५० भन्दा बढी देशमा लागू भइसकेको स्वास्थ्य बिमा कार्यक्रम नेपालमा भने लथालिंग भएर ‘फेलियर’को चरणमा पुगेको छ । हाल ४० करोड भुक्तानी बाँकी रहेको भन्दै यही माघ १ गतेदेखि काठमाडौं महाजगञ्जस्थित त्रिवि शिक्षण अस्पतालले स्वास्थ्य बिमामार्फत प्रदान गर्दै आएको सम्पूर्ण सेवा ठप्प पारेको छ । स्वास्थ्य बीमा बोर्डका अनुसार देशभरका ५ सय १० वटै सेवा प्रदायक अस्पतालहरूलाई साढे १० अर्ब बढी रकम भुक्तानी गर्न बाँकी छ । स्रोत जुटाउनै नसक्ने स्थिति भएपछि बोर्डले बिमा कार्यक्रमलाई अघि बढाउन नसक्ने अवस्थामा पुगेको छ । नेपालमा स्वास्थ्य बिमा सञ्चालनको…

स्वास्थ्यसमाचार/ स्वास्थ्य बीमा बोर्डका निर्देशक डा. रघुराज काफ्लेले राजीनामा दिएका छन् । उनले स्वास्थ्य मन्त्रालयमार्फत् प्रधानमन्त्री समक्ष राजीनामा दिएका हुन् । तत्कालीन स्वास्थ्यमन्त्री प्रदीप पौडेलको पालामा तनहुँका काफ्ले स्वास्थ्य बीमा बोर्डमा नियुक्त भएका थिए ।स्वास्थ्य बीमा भुक्तानीको दायित्व बढेर बोर्ड दबाबमा परेका बेला काफ्लेको राजीनामा आएको हो । ठूला सरकारी अस्पतालले सूचना नै निकालेर स्वास्थ्य बीमा कार्यक्रम बन्द गर्ने घोषणा गरिसकेका छन् । कतिपय बन्द गर्ने तयारीमा छन् । स्वास्थ्य बीमा बोर्डले सेवा प्रदायक संस्थालाई ११ अर्ब रुपैयाँभन्दा बढी भुक्तानी दिन बाँकी छ । तर अर्थ मन्त्रालयले यही मोडलमा बीमा…

स्वास्थ्यसमाचार / लुम्बिनी प्रादेशिक अस्पतालमा स्वास्थ्य बीमा कार्यक्रम अन्तर्गत सेवा लिनेको संख्या तीव्र गतिमा बढेपछि फार्मेसी काउन्टरको संख्या थप गरिएको छ। सरकारले उक्त अस्पताललाई स्वास्थ्य बीमा कार्यक्रमका लागि पहिलो प्रस्थान बिन्दुका रूपमा मान्यता दिएपछि सेवाग्राहीको चाप उल्लेख्य रूपमा बढेको हो। अस्पतालका मेडिकल सुपरिटेन्डेन्ट डा। इन्द्र ढकालका अनुसार सेवाग्राहीलाई छिटो र छरितो सेवा दिन फार्मेसी काउन्टर सात पुर्‍याइएको वताए।“सेवाग्राहीलाई लामो समय लाइनमा बस्नुपर्ने समस्या कम गर्न काउन्टर विस्तार गरिएको हो,” उनले भने, “अब फार्मेसी सेवामा सहजता आउनेछ।” स्वास्थ्य बीमा शाखा प्रमुख दिपेन्द्र पौडेलका अनुसार अस्पतालमा ओपीडी सेवातर्फ दैनिक १,२सय भन्दा बढी…

स्वास्थ्यसमाचार/स्वास्थ्य बीमा सेवा उपलव्ध गराउने अस्पतालहरुले गतवर्ष (२०८१ साल) असोज मसान्तसम्मको बक्यौता रकम प्राप्त गरेका छन् । स्वास्थ्य बीमा बोर्डले गत २० भदौमा ४ अर्व ३५ करोड रुपैयाँ भुक्तानी गरेको थियो । यो रकमले बीमितलाई उपचार सुविधा उपलव्ध गराएका अस्पतालहरुको गतवर्ष असोज मसान्तसम्मको बक्यौता रकमको सोधभर्ना भएको बोर्डका सूचना अधिकारी विकेश मल्लले जानकारी दिए । त्यसो त बोर्डले असोज यता चैतसम्म उपचार सेवा उपलव्ध गराउने अस्पतालहरुलाई सेवामा समस्या नहोस भन्दै पेश्की वापत ४ अर्व ३८ करोड रुपैयाँ गत वैशाखमा भुक्तानी गरेको थियो । सूचना अधिकारी मल्लका अनुसार पछिल्लो भुक्तानी पछि…

स्वास्थ्यसमाचार/ स्वास्थ्य बीमामा आबद्ध भएका नागरिकहरूले आठ प्रकारका कडा रोगको उपचार तथा विपन्न नागरिकको एकीकृत सुविधा आउँदो कार्तिक १ गतेदेखि पाउने भएका छन्। मन्त्रालयले सामाजिक स्वास्थ्य सुरक्षाका कार्यक्रमहरूलाई एकीकृत गर्ने निर्णयअनुसार आगामी कार्तिक देखि यो व्यवस्था लागू गर्न लागेको हो। एकीकृत सुविधाको कार्यान्वयनका लागि मन्त्रालयले हालसालै “विपन्न नागरिक औषधि उपचार कार्यक्रम सञ्चालन निर्देशिका २०८२ ९पहिलो संशोधन०” स्वीकृत गरेका थियो। संशोधित निर्देशिकाअनुसार, विपन्न नागरिकले पाउँदै आएको उपचार सुविधाको सम्पूर्ण भुक्तानी स्वास्थ्य बीमा बोर्डमार्फत हुने व्यवस्था गरिएको थियो। सेवा निरन्तरताका लागि असोजभित्र बीमा अनिवार्य यो सुविधा कार्तिक १ गतेबाट स्वास्थ्य बीमा प्रणालीमार्फत…

काठमान्डौ/विपन्न नागरिक औषधि उपचार सेवाअन्तर्गतको भुक्तानी अब स्वास्थ्य बिमा बोर्डमार्फत हुने भएको छ । स्वास्थ्य तथा जनसंख्या मन्त्रालयले दिँदै आएको यस्तो सेवाको भुक्तानी यसअघि स्वास्थ्य सेवा विभागको नर्सिङ तथा सामाजिक सुरक्षा महाशाखाबाट हुँदै आएको थियो । यसका लागि स्वास्थ्यमन्त्री प्रदीप पौडेलले विपन्न नागरिक औषधि उपचार कार्यक्रम सञ्चालन निर्देशिका, २०८२ (पहिलो संशोधन) स्वीकृत गरेका छन् । निर्देशिकाबमोजिम अब विपन्न नागरिकले उपचार सेवा लिन अनिवार्य स्वास्थ्य बिमा पनि गर्नुपर्ने भएको छ । स्वास्थ्य बिमा अनिवार्य भएपछि राज्यको लगानी सही व्यक्तिसम्म पुग्ने र दोहोरो दाबीको सम्भावना अन्त्य हुने मन्त्रालयले जनाएको छ । स्वास्थ्य सेवा विभागको २०८०/८१ को तथ्यांकअनुसार…