स्वास्थ्यसमाचार/ औषधि व्यवस्था विभागले भारतमा उत्पादित ‘कोल्ड्रिफ कप सिरप’ नेपालमा दर्ता नभएको जनाएको छ। भारतमा कोल्ड्रिफ कप सिरपको सेवनबाट १८ जना बालबालिकाको मृत्यु भए पछि विभागले सार्वजनिक सूचना निकाली कप सिरप नेपालमा दर्ता भएर प्रयोगमा नआएको जनाएको छ। विभागले जनस्वास्थ्यमा हानी गर्ने कुनै पनि औषधि वितरण र प्रयोग रोक्न सबै निकायलाई सतर्क रहन आग्रह गरेको छ। फार्मेसीहरूलाई विभागमा दर्ता नभएका औषधि बिक्री वितरण नगर्न निर्देशन दिइएको छ। विभागले औषधि उत्पादकहरुलाई रासायनिक पदार्थहरूको गुणस्तर परीक्षण र प्रमाणिकरण नगरी औषधि उत्पादन, आयात र वितरण नगर्न निर्देशन दिएको छ। प्रोपाइलेन ग्लाइकोल, पोलिथाइलिन ग्लाइकल,…

स्वास्थ्यसमाचार/ जेनजी आन्दोलनका घाइतेहरूको उपचारमा सहजताका लागि १६ अस्पतालसहित फोकल व्यक्तिहरू तोकिएको छ । गृह मन्त्रालयले जेनजी आन्दोलनका घाइतेहरूको फलोअप उपचार व्यवस्थित होस् भन्ने उद्देश्यले काठमाडौँ उपत्यकासहित देशभरका १६ अस्पतालहरूमा जेनजी क्लिनिक सञ्चालनमा ल्याएको हो । गत बुधबार गृहमन्त्री ओमप्रकाश अर्यालले राष्ट्रिय ट्रमा सेन्टरमा पुगेर डेडिकेटेड क्लिनिककाृ उद्घाटन गरेका थिए । सो अवसरमा उनले जेनजी आन्दोलनका घाईतेहरुको लागि परिचय पत्र वितरणको समेत शुभारम्भ गरेका थिए । गृह मन्त्रालयले जेनजी आन्दोलनका घाइतेहरुलाई अस्पतालमा निशुल्क आउजाउको व्यवस्था समेत मिलाएको छ ।जेनजी क्लिनिक स्थापना गरिएका १६ अस्पतालहरुमा काठमाडौँ उपत्यकामा वीर अस्पताल, राष्ट्रिय ट्रमा…

स्वास्थ्यसमाचार/जेनजी आन्दोलनको क्रममा घाइते भएका थप एक जनाको उपचारको क्रममा मृत्यु भएको छ। नुवाकोट पञ्चकन्या गाउँपालिका-२ का ३६ वर्षीय लक्ष्मण राईको मृत्यु भएको जिल्ला प्रहरी परिसर काठमाडौंका एसपी पवन भट्टराईले जानकारी दिए। उनको ट्रमा सेन्टरमा उपचार भइरहेको थियो।भदौ २४ गते जेनजी आन्दोलनको क्रममा उनलाई टाउकोमा गोली लागेर घाइते भएका थिए। उपचारका लागि ट्रमा सेन्टरको आइसियूमा राखिएको थियो।त्यहाँ उपचारको क्रममा आइतबार मृत्यु भएको हो। योसँगै मृतकको संख्या ७६ पुगेको छ।

स्वास्थ्यसमाचार/सदरमुकाम तम्घासबाट अर्जै जाँदै गरेको बस दुर्घटना हुँदा १५ जना घाइते भएका छन् । मदन भण्डारी राजमार्ग अन्तर्गत रेसुंगा नगरपालिका-४ मा लु १ ख ७७७६ नम्बरको बस दुर्घटनामा परेको जिल्ला प्रहरी कार्यालय गुल्मीका सूचना अधिकारी प्रहरी नायब उपरीक्षक गंगाबहादुर सारुले जानकारी दिए । घाइतेको अवस्था सामान्य रहेको छ । उनीहरूकाे गुल्मी अस्पतालमा उपचार भइरहेको छ । बस घुम्तीमा कन्ट्रोल हुन नसकेर सडक नजिकै दुर्घटनामा परेको थियाे । घटनाबारे थप अनुसन्धान भइरहेको प्रहरीले जनाएको छ । बुटवलबाट दसैं मनाउनका लागि अर्जै आउँदै गरेका यात्रु दुर्घटनामा परेका थिए । घाइतेहरूमध्ये दुई जनाको…

स्वास्थ्यसमाचार/ कपिलवस्तु जिल्लाको शिवराज नगरपालिका–३ सोनबर्सी खरेन्द्रपुरमा चन्द्रौटा आधारभूत अस्पतालका मेडिकल सुपरिटेन्डेन्ट डा अमित पाण्डेमाथि आइतबार साँझ साङ्घातिक आक्रमणको प्रयास भएको छ। चोरको निगरानीमा बसेकाहरुले डा पाण्डेमाथि हतियार प्रयोग गरी आक्रमण गर्न खोज्दा उनले मोटरसाइकल तिब्र गतिमा अघि बढाउँदा सडक दुर्घटना भई गम्भीर घाइते भएका हुन्। प्राथमिक उपचारपछि अवस्था गम्भीर भएकाले उनलाई थप उपचारका लागि बुटवल पठाइएको छ। घटनाबारे थप अनुसन्धान भइरहेको जिल्ला प्रहरी कार्यालय कपिलवस्तुले जनाएको छ।

बुटवल । बुटवल हस्पिटल प्रा. लि. ले दशैंको बिदा अवधिभर पनि सेवा दिने भएको छ । असोज १३ गते दशैंको फूलपातीबाट सरकारले बिदा दिएको भए पनि बुटवल हस्पिटल प्रा. लि. ले चिकित्सक तथा स्वास्थ्यकर्मीहरूको व्यवस्थापन गरी अस्पतालका सबै सेवाहरू नियमित रूपमा सञ्चालन गर्ने जनाएको छ ।अस्पतालको इमर्जेन्सी, ओपीडी,आईसीयू, एनआईसीयू,अपरेशन लगायतका सबै सेवाहरू नियमित रूपमा सञ्चालनमा रहेको अस्पतालका मेडिकल सुपरिन्टेन्डेन्ट डा. कृष्ण प्रसाद खनालले जानकारी दिनुभयो । सरकारबाट १०० शैयाको बेड सञ्चालन अनुमति प्राप्त बुटवल हस्पिटल प्रा. लि. ले वर्षभरि ३६५ दिन सेवा प्रदान गर्ने भएकाले कुनै पनि बिरामीलाई समस्या नपर्ने…

स्वास्थ्यसमाचार/ पुर्वस्वास्थ्यमन्त्री तथा राष्ट्रिय स्वतन्त्र पार्टीकी केन्द्रीय सदस्य तोसिमा कार्कीले जेनजी आन्दोलनमा आफू सहभागी भएको स्वीकार गरेकी छन्। भदौ २४ गते नख्खु कारागार लगायत अन्य केही स्थानहरुमा भएका घटनाहरुमा पार्टी सदस्यहरुको सम्भावित संलग्नता भएको नभएको सम्बन्धमा सत्यतथ्य पत्ता लगाउन रास्वपाले छानबिन समिति गठन गर्ने निर्णय भएसँगै उनले आन्दोलनमा प्रहरीको गोलिबिच हिँडेको बताएकी हुन्। रास्वपामा सहमहामन्त्री विपीन आचार्यले नख्खु कारागारमा शीर्ष नेता सहभागी भएको र अन्य क्षेत्रमा पनि पार्टीका कार्यकर्ता तोडफोडमा सहभागी हुँदा बदनाम भएको भन्दै कारबाहीको माग गरेका थिए। केन्द्रीय सदस्य कार्कीले पार्टीको विशेष अधिवेशनको माग गरिन्। निवर्तमान सांसद समेत…

काठमान्डौ/ पछिल्लो समय श्वासप्रश्वाससम्बन्धी रोग बढ्दै गएको छ । सरकारी तथ्याङ्कले पनि श्वासप्रश्वाससम्बन्धी स्वास्थ्य समस्या बढ्दै गएको देखाएको छ । स्वास्थ्य सेवा विभागका अनुसार आर्थिक वर्ष २०७९-८० मा एक लाख ८७ हजार ८५७ र आर्थिक वर्ष २०८०-८१ मा दुई लाख ५९ हजार ११० जनामा श्वासप्रश्वासको समस्या देखिएको थियो । श्वासप्रश्वाससम्बन्धी तत्कालीन र दीर्घकालीन स्वास्थ्य समस्या निम्तिने चिकित्सक बताउँछन् । छातीरोग विशेषज्ञ डा. रवि महतले श्वासप्रश्वाससम्बन्धी समस्या दम, निमोनिया, क्षयरोग, फोक्सोको क्यान्सर, रुघाखोकीजस्ता स्वास्थ्य समस्या लिएर बिरामी अस्पतालमा पुग्ने गरेको जानकारी दिनुभयो । प्रमुख श्वासप्रश्वाससम्बन्धी समस्या दम : डा. महतका अनुसार…

स्वास्थ्यसमाचार / गृहमन्त्री ओमप्रकाश अर्यालले राजनीतिक दबाबमा बन्द गरिएका अनुसन्धानका सबै फाइल खोल्ने बताएका छन् । शुक्रबार प्रहरीको केन्द्रीय अनुसन्धान ब्युरो (सीआईबी) को निरीक्षणपछि सञ्चारकर्मीसँग कुरा गर्दै गृहमन्त्री अर्यालले यसअघि राजनीतिक दबाबका कारण अनुसन्धानमा भएका अवरोधलाई हटाउँदै सबै फाइल खोल्ने प्रष्ट्याए । अपराध अनुसन्धानमा अब ब्रेक थ्रू हुने गृहमन्त्रीको जिकिर छ । सुशासन दिन नसकेका कारण यसअघिको सरकार र जनप्रतिनिधिहरूको म्यान्डेट बीचैमा भंग भएकाले अब सुशासन वर्तमान सरकारको पहिले सर्त भएको उनको भनाइ थियो । शान्ति सुरक्षा नभए ६ महिनाभित्र निर्वाचन गर्न नसकिने भएकाले सुशासन कायम गर्नैपर्ने अर्यालले बताए ।…