समाचार /घोराही उपमहानगरपालिका–३, गोग्लीस्थित सञ्जीवनी शिक्षण अस्पतालको सेवा माघ २८, बुधबारदेखि औपचारिक रूपमा सञ्चालनमा आउने भएको छ। तीन सय शैयाको क्षमतायुक्त यस अत्याधुनिक अस्पतालले विशेषज्ञ चिकित्सकहरुको साथमा ‘केयर फर अल’ मूल नाराका साथ सेवा प्रदान गर्नेछ। अस्पतालका प्रमुख कार्यकारी अधिकृत दीपक रोकाले तीन अर्ब लगानीमा निर्माण गरिएको अस्पतालको भौतिक संरचना र सबै तयारी पूरा भएको बताए। उनले संघीय जनसंख्या तथा स्वास्थ्य मन्त्रालयबाट आवश्यक स्वीकृति प्राप्त गरी अस्पतालले सबै सेवाहरू एकैसाथ सुरु गर्न लागेको जानकारी दिनुभयो। अस्पतालले ओपीडीमा जनरल फिजिसियन, हाडजोर्नी तथा नशा, स्त्री–प्रसूति, जनरल सर्जरी, मानसिक तथा नसारोग, छाला तथा…

स्वास्थ्यसमाचार/ स्वास्थ्य बीमा बोर्डले औषधि तथा स्वास्थ्यजन्य सामग्रीहरुको न्यून दररेट मात्र दाबी गर्न अस्पतालहरुलाई निर्देशन दिएको छ। बोर्ड र सेवा प्रदायक स्वास्थ्य संस्थाहरुको दररेटमध्ये जुन न्यून छ सोही दररेट मात्र दाबी गर्न बोर्डले निर्देशन दिएको हो। पुस २४ को बोर्डको निर्णय अनुसार स्वास्थ्य बीमा व्यवस्थापन सूचना प्रणालीमा संस्थाहरुले ‘आइटम तथा सर्भिसेस’ को न्यूनतम दाबी गर्न छुट्टै महल थप गरिएको बोर्डले जनाएको छ। यो व्यवस्था फागुन १ गतेबाट अनिवार्य रुपमा कार्यान्वयन गर्न सबै सेवा प्रदायक संस्थाहरुलाई बोर्डको निर्देशन छ।

स्वास्थ्यसमाचार/लुम्बिनी प्रदेश सरकारका स्वास्थ्य मन्त्री माननीय खेमबहादुर सारुमगरले प्युठान अस्पतालको अनुगमन गर्नुभएको छ। अनुगमनका क्रममा उहाँले सेवाग्राहीसँग प्रत्यक्ष भेटघाट गर्दै बिरामीहरूले भोगिरहेका समस्या र स्वास्थ्य सेवाको अवस्थाबारे जानकारी लिनुभएको थियो। त्यस अवसरमा स्वास्थ्य मन्त्री सारुमगरले अस्पतालमा सञ्चालनमा रहेका विभिन्न विभागहरूको अवलोकन गर्नुका साथै चिकित्सक, नर्स तथा व्यवस्थापन समितिका पदाधिकारीहरूसँग अन्तर्क्रिया गर्नुभएको थियो। अन्तर्क्रियाका क्रममा उहाँले प्युठान अस्पतालमा स्वास्थ्य सेवा विस्तार तथा सेवा सुदृढीकरणका लागि मन्त्रालयबाट आवश्यक सहयोग र सहजीकरण गरिने प्रतिबद्धता व्यक्त गर्नुभयो। स्वास्थ्य मन्त्री सारुमगरले अस्पतालमा निर्माणाधीन नयाँ भवनको प्रगति अवस्थाको समेत अवलोकन गर्दै भवन निर्माण कार्यलाई छिटो सम्पन्न…

भैरहवा — रुपन्देहीको सिद्धार्थनगर नगरपालिका–६ की महिला स्वास्थ्य स्वयंसेविका सुर्जमती हरिजन ५८ वर्षको उमेरमा शनिबार दिउँसो आफ्नै घरमा निधन भएकी छन्। केही महिनादेखि अस्वस्थ रहिएकी हरिजनको उपचार चलिरहेको थियो। उहाँको दाहसंस्कार आइतबार सिद्धार्थनगर नगरपालिका–१२ स्थित स्वर्गद्वारी घाटमा गरिने पारिवारिक स्रोतले जानकारी दिएका छन्। स्वर्गीय हरिजनको चार छोरा र एक छोरी छन्।