स्वास्थ्यसमाचार/ बडादशैंको पहिलो दिन घटस्थापनाको अवसरमा घोराही उपमहानगरपालिका–३, भानपुरस्थित संजीवनी शिक्षण अस्पतालको ‘शुभसाइत कार्यक्रम’ भव्य रूपमा सम्पन्न भएको छ। करिब ४ अर्ब लगानीमा स्थापना भएको अस्पताल दशैंलगत्तै पूर्ण सञ्चालनमा आउने तयारीमा छ। हाल ३०० शैयाबाट सेवा प्रारम्भ हुने र आगामी तीन वर्षभित्र ५०० शैयामा विस्तार गर्ने लक्ष्य राखिएको अस्पतालले आइसियु, सिसियु, एनआइसियु, पिआइसियु, एमआइसियु, डायलासिस, क्याथ ल्याब तथा ५० शैयाको आकस्मिक सेवा २४ घण्टा उपलब्ध गराउनेछ। अस्पतालमा न्युरोलोजी, कार्डियोलोजी, युरोलोजी, नेफ्रोलोजी, ग्यास्ट्रोलोजी लगायतका विशिष्टिकृत सेवा उपलब्ध हुने जनाइएको छ। साथै ‘बी’ श्रेणीको अत्याधुनिक प्रयोगशाला, एमआरआई, सिटी स्क्यान, भिडियो एक्सरे, डिजीटल…