स्वास्थ्यसमाचार/रुपन्देहीमा किशोरीहरूलाई पाठेघरको मुखको क्यान्सरविरुद्धको खोप (एचपीभी) माघ २५गतेदेखि फागुन ४ गतेसम्म लगाइने भएको छ। स्वास्थ्य कार्यालय रुपन्देहीले जिल्लास्तरीय खोप समन्वय समितिका पदाधिकारीहरूका लागि आयोजना गरिएको अभिमुखीकरण तथा सञ्चारकर्मीहरूसँगको अन्तरक्रिया गोष्ठीमार्फत एचपीभी खोप अभियानको तयारी अन्तिम चरणमा पुगेको जानकारी दिएको हो। उक्त खोप अभियान माघ २५ गतेदेखि फागुन ४गतेसम्म सञ्चालन हुनेछ। जिल्लाभरका विद्यालयमा कक्षा ६ मा अध्ययनरत किशोरीहरूलाई पाठेघरको मुखको क्यान्सरविरुद्धको एचपीभी खोप दिइनेछ। विद्यालय नजाने किशोरीहरूको हकमा भने १० वर्ष उमेर समूह, गत वर्ष छुटेका कक्षा ७ देखि १० सम्म अध्ययनरत किशोरी तथा विद्यालय नजाने ११ देखि १४ वर्ष…