स्वास्थ्यसमाचार/ २७ औं जनयुद्ध दिवसको अवसर पारेर नेकपा (माओवादी केन्द्र) सिद्धार्थनगर नगर कमिटी भैरहवा, रुपन्देहीले फलफूल वितरण गरेको छ । कमिटीले आइतबार एक कार्यक्रमकाबीच भैरहवास्थित भीम अस्पतालमा फलफूल वितरण गरेको हो । कार्यक्रममा अस्पतालमा उपचाररत ५० जना बिरामीलाई फलफूल वितरण गरिएको माओवादी केन्द्र सिद्धार्थनगरका प्रवक्ता लोकेन्द्र धामीले बताए ।कार्यक्रममा बोल्दै प्रमुख अतिथि माओवादी केन्द्रका केन्द्रीय सदस्य तथा पूर्व भूमिसुधार राज्यमन्त्री हकिकुल्ला खाँले मुलुकको आमुल परिवर्तनमा महान जनयुद्धको महत्वपूर्ण भूमिका रहेको बताए । कार्यक्रममा माओवादी केन्द्र रुपन्देही जिल्ला संयोजक नारायण बहादुर जि.सी. (निर्मल), रुपन्देही क्षेत्र नम्बर ३ का इञ्चार्ज तीर बहादुर…

स्वास्थ्यसमाचार/  बुटवल क्षेत्रका पुराना औषधी व्यवसायी तथा समाजसेवी खेम पुनको निधन भएको छ ।६० वर्षीय पुनको मष्तिकघातका कारण निधन भएको पारिवारिक स्रोतले जनाएको छ । पुनको उपचारका क्रममा काठमाडौँको ग्रिन सिटी अस्पतालमा निधन भएकोे खेम–ओमी पुन कल्याणकारी प्रतिष्ठानका उपाध्यक्ष नारायणप्रसाद पन्थले बताए । ओमी पुन कल्याणकारी प्रतिष्ठानले प्रत्येक वर्ष चिकित्सा तथा इन्जिनियर अध्ययन गर्ने विद्यार्थीहरुलाई छात्रावृत्ति प्रदान गर्दै आएको छ । औषधी व्यवसाय गर्दै आएका पुन शनिबार विशेष बैठकका लागि विराटनगर पुगेका थिए । बैठककै क्रममा असहज लागेर बाहिरिएका उनी बेहोस अवस्थामा भेटिएपछि उपचारका लागि अस्पताल लगिएको थियो । सोमबार…

स्वास्थ्यसमाचार/ गण्डकी प्रदेशको स्वास्थ्य सचिवमा डा. श्रीराम तिवारीलाई जिम्मेवारी दिइएको छ । संघीय मामिला तथा सामान्य प्रशासन मन्त्रालय स्रोतकाअनुसार गण्डकी प्रदेश स्वास्थ्य सचिवमा डा. तिवारीलाई जिम्मेवारी दिने निर्णय भएको छ । डा. तिवारी केही समयअघि मात्रै केन्द्रीय कारागार अस्पतालबाट राष्ट्रिय क्षयरोग नियन्त्रण केन्द्रको निर्देशकमा सरुवा भएका थिए । संघीय स्वास्थ्य मन्त्रालयले यसअघि गण्डकीको स्वास्थ्य सचिवका लागि डा. अनुज भट्टचनलाई सिफारिस गरेको थियो । तर, झण्डै दुई महिना बितिसक्दा पनि उनको सिफारिसमा निर्णय भएको थियो । डा. अनुजलाई सोमबारै नै प्रदेश नं. १ को स्वास्थ्य सचिवको जिम्मेवारी दिइएको छ ।

स्वास्थ्यसमाचार/कोभिड(१९ विरुद्धको खोपको मौज्दात र खोप लगाएका व्यक्तिहरूको विवरण नपठाउनेमा ६ जिल्ला र १०९ स्थानीय तह रहेको स्वास्थ्य तथा जनसंख्या मन्त्रालयले जनाएको छ । स्वास्थ्य मन्त्रालयले सोमबार सार्वजनिक सूचना जारी गर्दै खोपको मौज्दात र खोप लगाएका व्यक्तिहरूको विवरण नपठाउने जिल्ला तथा स्थानीय तहलाई अनिवार्य रुपमा यथाशीघ्र विवरण पठाउन भनेको छ । मन्त्रालयले प्रयोगमा आउन सक्ने खोपको बाँकी मात्रा यकिन गरी छानबिन प्रक्रियालाई सघाउनसमेत अनुरोध गरेको छ । माघ २१ गतेसम्ममा प्राप्त खोपको मात्रा तथा म्याद गुज्री वा अन्य कुनै कारणवश क्षति भई प्रयोग गर्न नमिल्ने खोपको विवरणसमेत २६ माघसम्म पठाउन…

स्वास्थ्यसमाचार /भीम अस्पताल भैरहवाले जिल्ला कारागार कार्यालय सिद्धार्थनगर, रुपन्देहीमा सोमबार निःशुल्क स्वास्थ्य शिविर आयोजना गरेको छ । कारागारमा रहेका कैदीबन्दीहरुलाई लक्षित गर्दै शिविर गरिएको अस्पतालका प्रमुख मेडिकल सुपरिटेण्डेण्ट डा. शकुन्तला गुप्ताले बताइन् ।कारागारमा रहेका ४४७ जना कैदीबन्दीमध्ये २०२ जनाको स्वास्थ्य परीक्षण गरिएको उनले जानकारी दिइन् । शिविरमा छाला, रुघाखोकी, मधुमेह, मानसिक, आँखा, दन्त, पेट दुख्ने लगायतका समस्या भएका बिरामीहरुको स्वास्थ्य परीक्षण गरिएको उनले बताइन् । शिविरमा अस्पतालका मेडिकल सुपरिटेण्डेण्ट डा. शकुन्तला गुप्ता, मेडिकल अफिसर डा. राजु रौनियार, आकस्मिक कक्ष (इमरजेन्सी) इञ्चार्ज सविता शर्मा, सिनियर अहेव जनकराज पन्त, फार्मासिष्ट पार्वती चौधरीको…

स्वास्थ्यसमाचार/ रक्तसंचार केन्द्र बुटवलको संयोजकमा सामाजिक अभियन्ता तथा नेपाल रेडक्रस सोसाईटी लुम्बिनी प्रदेशका महामन्त्री कृष्ण पंगेनी चयन भएका छन् । लामो समयदेखि रेडक्रसमा रहेर समाजसेवामा क्रियाशिल पंगेनीलाई रक्त संचार केन्द्रको संयोजकको जिम्मेवारी प्रदान गरिएको हो । लुम्बिनी प्रदेशका आधाभन्दा बढी जिल्लामा रगत संकलन र व्यवस्थापनमा सक्रिय रक्त संचार केन्द्र बुटवललाई थप रचनात्मक बनाउनका लागि पंगेनीलाई जिम्मेवारी दिएको हो ।रक्त संचार केन्द्र नेपाल रेडक्रससंग आबद्ध संस्था हो । पंगेनीले संयोजकचयन भएसंगैको पहिलो बैठकवाट सडक मानवहरुका लागि पूर्ण निःशुल्क रगत वितरण गर्ने निर्णय गरेको बताए । रगत व्यवस्थापनमा लाग्ने व्याग, रिरिज लगायतको…

स्वास्थ्यसमाचार/ पछिल्लो २४ घण्टामा देशभर थप १ हजार ७१४ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभर ८ हजार ५१३ नमुना परीक्षण गरिएको थियो । ५ हजार २२५ नमुनाको पीसीआर परीक्षण गर्दा एक हजार १०३ र तीन हजार २८८ जनाको एन्टीजेन परीक्षण गर्दा ६११ गरी एक हजार ७१४ जनामा संक्रमण पुष्टि भएको हो ।पछिल्लो २४ घण्टामा थप ९ जनाको मृत्यु भएको मन्त्रालय जनाएको छ । हालसम्म कोरोना संक्रमणबाट मृत्यु हुनेको संख्या ११ हजार ८०३ पुगेको छ। यसैगरि सोही अवधिमा थप चार हजार ७७१ जन संक्रमणमुक्त…

स्वास्थ्यसमाचार/ पछिल्लो २४ घण्टामा झण्डै ६ लाख जनाले कोरोना विरुद्धको खोप लगाएका छन् । स्वास्थ्य तथा जनसख्या मन्त्रालयका अनुसार गएको २४ घण्टामा ५ लाख ८८ हजार ४ सय ४० जनाले कोरोना विरुद्धको खोप लगाएका हुन् । यो सहित नेपालमा अहिलेसम्म तीन करोड ३८ लाख २६ हजार ३ सय ३० मात्रा खोपको प्रयोग भएको छ । जसमा १ करोड ७७ लाख ४० हजार ८ सय ३५ जनाले पहिलो मात्रा, १ करोड ५४ लाख ८२ हजार ८७ जनाले पूर्ण मात्रा र ६ लाख तीन हजार ४ सय ८ जनाले अतिरिक्त मात्रा खोप…

स्वास्थ्यसमाचार/ जिल्लाको सदरमुकाम तानसेनस्थित बसपार्कमा बेहोस अवस्थामा भेटिएका एक जनाको शनिबार मृत्यु भएको छ। अर्घाखाँचीको छत्रकोट गाउँपालिका( ४ रिठाको रुख स्थायी ठेगाना भइ तानसेनमा मागेर खाँदै हिड्ने ५० वर्षीय गणेश परियारको मृत्यु भएको जिल्ला प्रहरी कार्यालय पाल्पाका सूचना अधिकारी प्रहरी निरीक्षक लक्षमण पचभैयाले बताए। तानसेन नगरपालिका (६ बसपार्कमा भित्तामा अढेस लागेर घोप्टो परेर बसिरहेको अवस्थामा देखेपछि स्थानीयले प्रहरीलाई खबर गरेका थिए। बेहोस अवस्थामा रहेका उनलाई उपचारको लागि जिल्ला अस्पताल पाल्पामा लैजाँदा चिकित्सकले मृत घोषणा गरेका थिए। घटनाबारे थप अनुसन्धान भइरहेको प्रहरीले जनाएको छ। यसअघि आजै तानसेन (४ बडिज्ञानटोल भाडामा बस्ने…

स्वास्थ्यसमाचार/रोटरी क्लव अफ बुटवलको १४०० औं नियमित बैठक शनिबार सम्पन्न भएको छ ।क्लवका अध्यक्ष प्रा.डा. ताराप्रसाद उपाध्यायको अध्यक्षतामा बसेको बैठकको एजेण्डा क्लासिफकेशन रहेको थियो । बैठकमा बोल्दै मेडिटेक इन्टरनेशनल एकेडेमीका प्रवन्ध निर्देशक गणेश ज्ञवालीले बारम्बार हुने नीतिगत परिवर्तनले मुलुकको स्वास्थ्य क्षेत्र सुधार हुन नसकेको बताए । स्वास्थ्य उद्यमीहरुलाई मेडिकल माफियाको आरोप लाग्ने गरेको भन्दै उनले यो गलत भएको र यसखालको भ्रम चिर्न केही समय लाग्ने बताए । “सरकारले बारम्बार ऐन, नियम, निर्देशिका परिवर्तन गर्दा स्वास्थ्य संस्थाले चाहे अनुरुपको सेवा सुविधा दिन सकिरहेका छैनन्”–उनले भने । ज्ञवालीले मेडिटेक हस्पिटल अहिले ५१…