स्वास्थ्यसमाचार/पछिल्लो समयमा गुल्मीमा आत्महत्याको दर बढ्दै गएपछि इस्मा गाउँपालिकामा आत्महत्या न्यूनीकरण सम्बन्धी सचेतना कार्यक्रम संचालन गरिएको छ। इस्मा गाउँपालिकाको वडा नम्बर ५,इस्मा रजस्थलको आयोजना र जिल्ला समन्वय समिति गुल्मीका प्रमुख द्रोण खत्री र जिल्ला प्रहरी कार्यालय गुल्मीका सुचना अधिकारी एवं प्रहरी नायव उपरीक्षक चिरञ्जीवी दाहालको सहजीकरणमा स्थानीयलाई आत्महत्या न्यूनीकरण सम्बन्धी सचेतना कार्यक्रम सञ्चालन गरिएको थियो। सचेतना कार्यक्रममा जिल्ला समन्वय समिति गुल्मीका प्रमुख द्रोण खत्रीले सकारात्मक सोचसँग सम्बन्धि कुराहरुको बारेमा जानकारी गराउनुभयो।सकारात्मक सोचाइले मानिसले गर्ने हरेक कार्यमा सफलता मिल्ने भन्दै उहाँले सबैले मानसिक स्वास्थ्यलाई विशेष ख्याल गर्न आग्रह गर्नुभयो। समाजलाई सकारात्मक…

स्वास्थ्यसमाचार /लुम्बिनी प्रादेशिक अस्पतालको १२ सय शैयाको १० तले नयाँभवन निर्माणको काम ५ महिनामा १३ प्रतिशत भएको छ । ६ अर्ब १८ करोड रुपैयाँ लागतमा बन्न लागेको यो अस्पतालभवन प्रदेश सरकारको पहिलो ठूलो पूर्वाधार हो ।तत्कालीन मुख्यमन्त्री शंकर पोखरेलको पालामा प्रदेश सरकारको गौरवको आयोजनाका रुपमा अघि बढाइएको अस्पताल भवनको शिलान्यास गत भदौ १५ गते भएको थियो । ठेक्का प्रक्रिया विवादास्पद भएपछि दुईपटक रद्द गरिएकोथियो । भवन निर्माण मापदण्डको ‘स्पेसिफिकेसन’मै आशंका भएपछियसअघिका दुवै टेन्डर रद्द गरिएको थियो । तेस्रोपटक आह्वान भएको टेण्डर स्वीकृत भई गत पुस २६ गतेठेक्का सम्झौता भएको थियो…

स्वास्थ्यसमाचार/स्वास्थ्य तथा जनसंख्या मन्त्रालयले नसर्ने रोग पहिचान र समयमै उपचारका लागि भन्दै फागुन १ गतेबाट एकमहिने निःशुल्क परीक्षण अभियान थाल्ने भएको छ। यस अभियानमा करिब एक करोड मानिसहरूको निस्शुल्क रोग परीक्षण गर्ने लक्ष्य मन्त्रालयले लिएको छ। नेपालमा एक करोड ४० लाख ९० हजार नागरिक ३० वर्ष माथिका छन्। यही उमेर समूहका नागरिकलाई समेट्ने लक्ष्य मन्त्रालयको छ। अभियानका क्रममा ३० वर्ष माथिका सबै नागरिकलाई स्थानीय स्वास्थ्य संस्थाहरुमा मधुमेह, उच्च रक्तचाप, मिर्गौलासम्बन्धी रोग तथा शरिरको उचाइ र तौलको अनुपात पहिचान गर्ने मन्त्रालयका प्रवक्ता प्रकाश बुढाथोकीले बताए। यो सेवा निःशुल्क हुने पनि उनले…

स्वास्थ्यसमाचार/ लुम्बिनी प्रदेश स्वास्थ्य मन्त्रालय अन्तर्गत नर्सिङ तथा परिवार कल्याण महाशाखाको प्रमुखमा वरिष्ठ नर्सिङ प्रशासक ईश्वरी केसीलाई ल्याईएको छ। केसी यसअघि भेरी अस्पताल, नेपालगञ्जमा कार्यरत थिइन्। नवनियुक्त प्रमुख केसीलाई आज एक विशेष कार्यक्रमबीच स्वागत गरिएको छ। उक्त कार्यक्रममा लुम्बिनी प्रदेशका स्वास्थ्यमन्त्री खेम सारु, स्वास्थ्य सचिव डा. वासुदेव उपाध्याय, स्वास्थ्य शिक्षा प्रशासक नोदनारायण चौधरी लगायतका पदाधिकारीहरूको उपस्थिति रहेको थियो। यस अघि नर्सिङ तथा परिवार कल्याण महाशाखा रिक्त रहेको थियो। केसीको नेतृत्वमा महाशाखाले स्वास्थ्य सेवाको अभिवृद्धि गर्न महत्वपूर्ण योगदान दिने अपेक्षा गरिएको छ।

स्वास्थ्यसमाचार/प्रधानमन्त्री केपी शर्मा ओलीले पाठेघरको मुखको क्यान्सरविरूद्धको एचपिभी १० लाखभन्दा बढी किशोरीले खोप लगाउन सफल भएकोमा सबै निकायलाई धन्यवाद व्यक्त गर्नुभएको छ । आज सामाजिक सञ्जालमा लेख्दै उहाँले खोप लगाउन यस अभियानमा संलग्न हुनुभएका व्यवस्थापक, स्वास्थ्यकर्मी, स्वयंसेवक, शिक्षक, अभिभावक तथा सरकारी तथा गैरसरकारी सबै निकायलाई धन्यवाद दिनुभएको हो । “माघ २२ गतेदेखि सुरू भएको देशव्यापी एचपिभी खोप अभियान उत्साहका साथ सञ्चालन भइरहेको छ । हालसम्म १० लाख किशोरीले यो खोप लिइसकेका छन् । अभियान फागुन ६ गतेसम्म चल्ने छ”, प्रधानमन्त्री ओलीले सामाजिक सञ्जालमा लेख्नुभएको छ । स्वास्थ्य सेवा विभागका बाल…

स्वास्थ्यसमाचार/रूपन्देहीको तिलोत्तमा नगरपालिकामा मंगलबारदेखि निस्शुल्क भिडियो एक्सरे सेवा सुरु भएको छ । नगरपालिकाभित्रका गर्भवती महिलाले गर्भ रहेदेखि चारपटकसम्म र सुत्केरीपश्चात् आवश्यक परेमा निस्शुल्क रूपमा भिडियो एक्सरे सेवा लिन पाउने सुविधाको थालनी भएको हो । चिकित्सकको सिफारिसअनुसार चारपटकबाहेक पनि जाँच गर्नु परेमा शुल्क नलाग्ने पालिकाका स्वास्थ्य शाखा प्रमुख ज्ञानप्रसाद पौडेलले जानकारी दिए । ुयो सेवाको सुरुवात अहिलेलाई तिलोत्तमा-६ स्थित आनन्दवन स्वास्थ्य चौकी र वडा नं। १० स्थित सेमराबजार स्वास्थ्य चौकीबाट सुरु गरेका छौं,उनले भने, क्रमशस् सबै वडामा यो लागू हुनेछ । निस्शुल्क भिडियो एक्सरे सेवा शुभारम्भ कार्यक्रममा बोल्दै नगर प्रमुख रामकृष्ण…

स्वास्थ्यसमाचार / लुम्बिनी प्रदेशका मुख्यमन्त्री चेतनारायण आचार्यले लुम्बिनी प्रादेशिक अस्पताल भवन निर्माणाधीन स्थलको अनुगमन गरेका छन् । मंगलबार आयोजना स्थलमा पुगेका मुख्यमन्त्री आचार्यले कामको प्रगतिबारे जानकारी लिएका हुन् । प्रदेश सरकारले गौरवको आयोजनाका रूपमा प्राथमिकताका साथ अघि बढाएको यस आयोजनाको निर्माण कार्य निर्धारित समयभित्र सम्पन्न गर्न सरकारले निगरानी बढाएकाे हाे ।‘विशेषगरी, यो प्रदेशको गौरवको आयोजना हो । प्रदेशले जुन लक्ष्य र उद्देश्य बोकेर यसलाई उच्च प्राथमिकतामा राखेर काम गरिरहेको छ, यसले समग्र प्रदेशको विकासमा महत्वपूर्ण योगदान पुर्याउनेछ’मुख्यमन्त्री आचार्यले भने,‘कुनै पनि अवस्थामा काममा समस्या नआओस् भन्नका लागि सरकारले विशेष ध्यान दिएको…

स्वास्थ्यसमाचार/ न्युनतम जनशक्तिको उपस्थितीमा न्युनतम सेवा मापदण्ड कार्यान्वयमा बर्दिया अस्पताल सुधार उन्मुख देखिएको छ । न्युनतम सेवा मापदण्ड कार्यान्वय कार्यक्रम अन्तर्गत गरिएको मूल्यांकनमा अस्पताल सुधार उन्मुख देखिएको हो । विगत तीन वर्षको मूल्यांकनमा अस्पतालको क्रमशः अंक बढेको देखिन्छ । न्युनतम सेवा मापदण्डमा बर्दिया अस्पतालले यस वर्ष ९७ प्रतिशत अंक प्राप्त गरेको छ । न्युनतम सेवा मापदण्ड कार्यान्वयन कार्यक्रम अन्तर्गत अस्पतालको अनुगमन मुल्यांकन तथा समिक्षा कार्यक्रममा भेरी अस्पताल नर्सिङ प्रमुख तथा न्युनतम सेवा मापदण्ड प्रमुख स्रोत व्यक्ति दुर्गा लक्ष्मी श्रेष्ठले बर्दिया अस्पतालले ९७ प्रतिशत अंक प्राप्त गरेको घोषणा गरिन् । तोकिएको सूचकमा…

स्वास्थ्यसमाचार/ सिमित जनशक्ति र पूर्वाधारका वावजुत पनि भैरहवास्थित भीम अस्पतालले बिरामीलाई प्रदान गर्ने गरेको उपचार सेवा र अस्पताल संचालनको व्यवस्थापन उत्कृष्ट रहेको पाइएको छ । लुम्बिनी प्रदेश स्वास्थ्य निर्देशनालयले हरेक वर्ष गर्ने न्युनतम सेवा मापदण्ड कार्यान्वयन कार्यक्रम अन्तर्गतको मूल्यांकनमा सन् २०२४ मा भीम अस्पतालको सेवा तथा व्यवस्थापन निकै प्रभावकारी रहेको पाइएको हो । मूल्याकन टोलीले ९ सय ३९ वटा सुचकलाई आधार मानेर भीम अस्पतालको स्थलगत मूल्यांकन गर्दा सन् २०२४ मा ९४ प्रतिशत अंक प्राप्त गरेर भीम अस्पतालले आफ्नो सेवा तथा व्यवस्थापनलाई उत्कृष्टमा उभ्याउन सफल भएको हो । बिगत केही बर्षदेखि…

स्वास्थ्यसमाचार/शंकरनगर खानेपानी तथा सरसफाई उपभोक्ता संस्थाका निर्वाचित पदाधिकारीहरुलाई पदस्थापना गरिएको छ । माघ २४ गते सम्पन्न निर्वाचनबाट बिजयी पदाधिकारीहरुलाई पदस्थापन गरिएको हो । निर्वाचन समितिका संयोजक टेक बहादुर थापाको अध्यक्षता तिलोत्तमा नगर प्रमुख रामकृष्ण खाँणको प्रमुख आतिथ्यता तथा नगर उपप्रमुख जागेश्वरी देबी चौधरीको बिशिष्ट आतिथ्यमा पदस्थापना गरिएको थियो । पदस्थापना कार्यक्रममा बोल्दै प्रमुख अतिथी तिलोत्तमा प्रमुख रामकृष्ण खाँणले तिलोत्तमामा अबको २ बर्ष भित्रमा सबैका घरमा स्वच्छ खानेपानीको धारा पुग्ने वताउनु भयो ।धेरै ठाउंमा गुणस्तरीय र सर्भसुलभ तरीकाले खानेपानी पुगेको र केही ठाउंमा खानेपानीको काम भइरहेकोले अबको २ बर्षमा तिलोत्तमा स्वच्छ…