स्वास्थ्यसमाचार/ कपिलवस्तु जिल्लाको महाराजगञ्ज नगरपालिका– २ मा सर्पको डसाइबाट १४ महिने बालिकाको मृत्यु भएको छ । झगरु पासवानकी छोरी सङ्गीता पासवानको मृत्यु भएको हो । घरमा सुतेको अवस्थामा उनलाई सर्पले डसेको थियो । केही बेरपछि बालिका अचेत भएपछि उपचारका लागि बहादुरगञ्ज अस्पताल लगिएको थियो । त्यहाँ उनको उपचार हुन नसकेपछि थप उपचारका लागि गोरुसिङ्गेस्थित सर्पदंश उपचार केन्द्रमा ल्याइएको थियो । उपचारमा ढिलाई गरिँदा उनको बाटोमै मृत्यु भइसकेको गोरुसिङ्गे सर्पदंश उपचार केन्द्रका व्यवस्थापक नवीन भण्डारीले बताए।

स्वास्थ्यसमाचार/लुम्बिनी प्रदेशमा सबैभन्दा धेरै बजेट खर्च गर्ने मन्त्रालय स्वास्थ्य मन्त्रालय बनेको छ । चालु आर्थिक वर्ष २०८१/८२ मा लुम्बनी प्रदेशका मन्त्रालयहरुमा सबैभन्दा धेरै वित्तिय प्रगति स्वास्थ्य मन्त्रालयले गरेको हो । प्रदेश लेखा नियन्त्रक कार्यालयका लेखा नियन्त्रक दीपक ज्ञवालीका अनुसार चालु आवको २५ असारसम्म प्रतिशतका हिसाबले धेरै बजेट खर्च गर्नेमा स्वास्थ्य मन्त्रालय रहेको छ । स्वास्थ्य मन्त्रालयले कुल बजेटको ८६.०४ प्रतिशत बजेट खर्च गरेको छ । लुम्बिनी प्रदेशका स्वास्थ्यमन्त्री खेम बहादुर सारुले निरन्तरको फलोअप, ताकेता र सबै कर्मचारीहरुको सहयोगले स्वास्थ्य मन्त्रालय लुम्बिनी प्रदेशमै सबैभन्दा धेरै बजेट खर्च गर्ने मन्त्रालय भएको बताउनुभयो…

स्वास्थ्यसमाचार / महिलाको स्तनसम्बन्धी रोग पहिचान र उपचारमा नयाँ आयाम थप्दै लुम्बिनी प्रादेशिक अस्पताल, बुटवलले म्यामोग्राफी सेवा सुरु गरेको छ । साथै, स्तनसम्बन्धी रोगहरूको परीक्षण, परामर्श र उपचारका लागि विशेष ब्रेस्ट क्लिनिक समेत सञ्चालनमा ल्याएको छ । लुम्बिनी प्रदेशका स्वास्थ्यमन्त्री खेबहादुर सारुले सोमबार म्यामोग्राफी तथा ब्रेस्ट क्लिनिकको समुद्घाटन गर्दै यहाँको स्वास्थ्य सेवामा नयाँ आयाम थपिएको बताए । अस्पतालमा ‘स्वचालित ल्याव रिपोर्ट डिस्प्याच’को समेत मन्त्री सारुले शुभारम्भ गरे । अस्पतालमा स्थापना गरिएको म्यामोग्राफी सेवाले महिलाहरुको स्तन क्यान्सर सम्बन्धी रोगहरुको पहिचान तथा उपचारमा ठूलो सफलता मिल्ने अपेक्षा गरिएको छ भने स्वचालित ल्याव…

स्वास्थ्यसमाचार / ग्यास्ट्रो सेन्टर बुटबलले देवदह नगरपालिकाको अम्मर सिहमाविमा पेट रोगसम्बन्धी बृहत निःशुल्क स्वास्थ्य शिविर सम्पन्न गरेको छ। स्वतन्त्र भुपु सैनिक कल्याणकारी परिवारको आयोजना तथा ग्यास्ट्रो सेन्टर बुटवलको प्राबिधिक सहयोगमा निःशुल्क स्वास्थ्य शिविर सम्पन्न भएको हो । शिविरमा ग्यास्ट्रो सेन्टर बुटवलका वरिष्ठ पेट, कलेजो, आन्द्रा तथा प्यान्क्रियाज रोग विशेषज्ञ डा. मोहन भुसाल सहित अन्य चिकित्सक तथा स्वास्थ्यकर्मीहरूको टोलीले १६० भन्दा बढी बिरामीहरूको स्वास्थ्य परीक्षण गरी औषधि वितरण गरेको थियो। शिविरमा १० जना बिरामीलाई इन्डोस्कोपी सेवा समेत प्रदान गरिएको डा. भुसालले जानकारी दिनुभयो।उहाँका अनुसार समाज प्रतिको उत्तर दायित्वअनुसार दुर्गम क्षेत्रमा सेवा…

स्वास्थ्यसमाचार /अर्घाखाँची जिल्लालाई पूर्ण खोपसुनिश्चितता तथा दिगोपना जिल्ला घोषणा गरिएको छ । शुक्रबार आयोजित विशेष समारोहमा लुम्बिनी प्रदेशका स्वास्थ्य मन्त्री खेमबहादुर शारुले अर्घाखाँचीलाई पूर्ण खोप सुनिश्चितता जिल्ला घोषणा गरे । स्वास्थ्य मन्त्रालयको राष्ट्रिय खोप कार्यक्रमअनुसार जन्मेदेखि ५९ महिनासम्मका बालबालिकाहरूलाई आवश्यक १३ प्रकारका खोपहरूको सम्पूर्ण मात्रा दिइएको पुष्टि भएपछि जिल्लाभरिका ६ वटै पालिकालाई पूर्ण खोपको दिगोपनासहित घोषणा गरिएको हो । घोषणा कार्यक्रममा बोल्दै मन्त्री शारुले कुनै पनि बालबालिका खोप पाउने अधिकारबाट बञ्चित हुनु हुँदैन भन्दै स्वस्थ नागरिक नै नेपालको सम्पत्ति हुन् भन्ने धारणा व्यक्त गरे । उनले नेपाल सरकारको खोप अभियानपछि…

स्वास्थ्यसमाचार/ प्राविधिक शिक्षा तथा व्यावसायिक तालिम परिषद् (सिटिइभिटी ) ले तिलोत्तमा नगरपालिकालाई डिप्लोमा इन फार्मेसी र पिसिएल नर्सिङ कार्यक्रम सञ्चालनका लागि पूर्वाधार निर्माण गर्न अनुमति दिएको छ । नगरपालिकाले आगामी आर्थिक वर्षको बजेटमा पूर्वाधार निर्माण गर्न २५ लाख बजेट विनियोजन गरिसकेको छ । सिटिइभिटीले तिलोत्तमा नगरपालिका आफैंले सञ्चालन गर्नेगरी डिप्लोमा इन फार्मेसी र पिसिएल नर्सिङ कार्यक्रमका लागि ४०/ ४० जनाको कोटा समेत निर्धारण गरेको छ । सिटिइभिटीको पत्र प्राप्त भएसँगै अब पूर्वाधार निर्माण र अस्पतालसँग सम्झौता गरेर कार्यक्रम सञ्चालन प्रक्रिया अघि बढाइने नगरपालिकाले जनाएको छ ।तिलोत्तमाले बुटवलको लुम्बिनी प्रादेशिक अस्पताल…

स्वास्थ्यसमाचार /लुम्बिनी प्रदेशका स्वास्थ्य मन्त्री खेम सारु मगर बाँकेको स्वास्थ्य कार्यालयको अनुगमन गर्नुभएको छ। अनुगमनको क्रममा मन्त्री सारु मगरले कार्यालयमार्फत प्रदान गरिने स्वास्थ्य सेवाको अवस्था, कार्यक्षमता तथा स्थानीय तहहरूसँगको समन्वयबारे जानकारी लिनु भएको छ । उहाले स्वास्थ्यकर्मी संग छलफल पछि सेवा प्रवाहलाई अझ प्रभावकारी बनाउँदै स्थानीय तहसँग सहकार्य र समन्वयलाई मजबुत बनाउनु पर्ने आवश्यकता औंल्याउँदै निर्देशनसमेत दिनुभयो। स्वास्थ्य क्षेत्रको संवेदनशीलता उल्लेख गर्दै मन्त्री सारु मगरले आम नागरिकको विश्वास जित्ने गरी काम गर्न कर्मचारीहरूलाई आग्रह गर्नुभयो। मन्त्री सारु मगरले आवश्यक नीति र स्रोत व्यवस्थापनमा प्रदेश सरकारबाट सक्दो सहयोग गरिने प्रतिबद्धता समेत…

स्वास्थ्यसमाचार/प्रादेशिक आयुर्वेद चिकित्सालय बिजौरीको अनुगमन एवं न्युनतम सेवा मुल्यांकन कार्यक्रम सम्पन्न भएको छ । अस्पतालको अबस्था सुधार गर्नुपर्ने र भैरहेको कामको अबस्थाबारे जानकारी गराउने उदेश्यले न्युनतम सेवा मुल्यांकन गरिएको हो । मुल्याकंन तथा अनुगमन कार्यक्रममा वोल्दै लुम्बिनी प्रदेशका स्वास्थ्य सचिव दुर्गा लक्ष्मी श्रेष्ठले प्रदेशको एक मात्र प्रादेशिक आयुर्वेद अस्पतालमा अब वैकल्पिक चिकित्सा सेवा विस्तार हुने वताउनु भयो। उहाले आगामी आर्थिक वर्षको बजेटमा उक्त अस्पतालमा एक्युपङ्चर सेवा थपिने योजना रहेको बताउदै बढ्दो नसर्ने रोग न्यूनीकरण गर्न आयुर्वेदिक चिकित्सा पद्धति महत्वपुर्ण रहेको बताउनु भयो । उहाले अस्पतालको सेवा सुधार, र दरबन्दीको पुनरावलोकन…

स्वास्थ्यसमाचार/ मुख्यमन्त्री आचार्यद्वारा लुम्बिनी प्रदेश प्रहरी अस्पतालमा नव निर्मित अपरेशन थिएटर भवन उद्घाटन बाँके-लुम्बिनी प्रदेशका मुख्यमन्त्री चेतनारायण आचार्यले लुम्बिनी प्रदेश प्रहरी अस्पताल, बाँकेमा नव निर्मित अपरेशन थिएटर भवनको उद्घाटन गर्नुभएको छ । लुम्बिनी प्रदेश सरकारकाे सात करोड ७७ लाख रुपैयाँ बढीको लागतमा निर्माण गरिएको उक्त भवनको बिहीबार एक भव्य समारोहका बीच मुख्यमन्त्री आचार्यले उद्घाटन गर्नु भएको हाे । कार्यक्रममा मुख्यमन्त्री आचार्यले प्रदेश सरकारले प्रहरी अस्पतालको स्तरवृद्धिमा विशेष ध्यान दिने बताउँदै यसलाई १५ शैयामा सीमित नराखी ५० शैयाको अस्पतालका रूपमा विकास गरिने स्पष्ट पार्नुभयो । मुख्यमन्त्री आचार्यले भन्नुभयो- ‘यसलाई १५ शैयामा…