सैनामैना नगरपालिका वडा नं. ५, ८ र ९ का आधारभूत स्वास्थ्य सेवा केन्द्रहरूमा सेवा, सुविधा र गुणस्तर सम्बन्धी आमभेला तथा सामाजिक परीक्षण कार्यक्रम सम्पन्न गरिएको छ। कार्यक्रममा स्थानीयवासी, जनप्रतिनिधि, स्वास्थ्यकर्मी तथा सरोकारवालाहरूको सहभागितामा स्वास्थ्य संस्थाको अवस्था, सेवा प्रवाह र समस्याबारे खुला छलफल गरिएको थियो। वडा नं. ५ मा वडा अध्यक्ष तथा आधारभूत स्वास्थ्य सेवा केन्द्र सञ्चालन समितिका अध्यक्ष धनप्रसाद पौडेलको अध्यक्षतामा सम्पन्न कार्यक्रममा स्वास्थ्य शाखा प्रमुख हेमराज पन्थी, स्वास्थ्य संस्था प्रमुख पार्वती भण्डारीलगायतको सहभागिता रहेको थियो। कार्यक्रममा दरबन्दीअनुसार कर्मचारी अभाव, पर्याप्त औषधि नपाइने, नगरपालिकाबाट पठाइएका केही उपकरण गुणस्तरीय नभएको लगायतका…

स्वास्थ्यसमाचार/ सैनामैना नगरपालिका वडा नं. ५, ८ र ९ लाई पूर्ण खोप सुनिश्चित वडा घोषणा गरिएको छ। आधारभूत स्वास्थ्य सेवा केन्द्र वडा नं. ५, ८ र ९ ले सञ्चालन गरेको घरधुरी सर्वेक्षण कार्यक्रममा जन्मदेखि ५९ महिनासम्मका बालबालिकाको खोप अवस्थाबारे अध्ययन गरिएको थियो। सर्वेक्षणका क्रममा जन्मदेखि १६ महिनासम्मका १०२ जना र १६ देखि ५९ महिनासम्मका २२७ जना बालबालिकाले पूर्ण खोप लगाएको पाइएको छ भने ४ जना बालबालिका आंशिक रूपमा छुट भएका भेटिएका थिए। ती बालबालिकालाई नियमित खोपमार्फत पूर्ण खोप प्रदान गरिएपछि सम्बन्धित वडाहरूलाई पूर्ण खोप सुनिश्चित वडा घोषणा गरिएको हो। बिहीबार…

स्वास्थ्यसमाचार/ स्वास्थ्य निर्देशनालय तथा स्वास्थ्य कार्यलयमा मेडिकल तथा अन्य स्वास्थ्य संस्थाको दर्ता प्रक्रिया निःशुल्क भए पनि बिचौलियाले कागजपत्र मिलाइदिने बहानामा १५ देखि २० हजार रुपैयाँसम्म असुल्ने गरेको खुलासा भएको छ। यसप्रति स्वास्थ्य निर्देशनालय लुम्बिनी प्रदेशले गम्भीर ध्यानाकर्षण भएको जनाएको छ। लुम्बिनी प्रदेश स्वास्थ्य निर्देशक रोशनलाल चौधरीका अनुसार मेडिकल दर्ता तथा नवीकरणका लागि कुनै पनि शुल्क नलाग्ने स्पष्ट छ। उनले बाहिरका व्यक्तिहरूले अनावश्यक पैसा उठाएको सूचना आएको बताउँदै त्यस्ता व्यक्तिहरूको खोजी भइरहेको जानकारी दिए। त्यस्तै, जिल्ला स्वास्थ्य कार्यालय रुपन्देहीकी प्रमुख जनस्वास्थ्य प्रशासक उमा देवी थापाले पनि दर्ता प्रक्रियामा कुनै शुल्क नलाग्ने…

स्वास्थ्यसमाचार/ स्वास्थ्य तथा जनसंख्या मन्त्रालयले झण्डै ३५ वर्ष पछि ठूलो संख्यामा प्राविधिक समूहका स्थायी जनशक्ति पाउने भएको छ । मन्त्रालय र मातहतका स्वास्थ्य संस्थाका लागि स्वास्थ्यले तयार पारेको ९७७ जना स्थायी दरबन्दी तेरिज अर्थ मन्त्रालयले स्वीकृत गरेपछि ठूलो संख्यामा जनशक्ति थपिने भएको हो । यसअघि स्वास्थ्यले २०४८ सालमा ठूलो संख्यामा प्राविधिक जनशक्ति थप्ने काम गरेको थियो । स्वास्थ्य मन्त्री निशा महेताको सचिवालयका अनुसार पाँचौँ तह देखि एघारौँ तहसम्मका ९७७ दरबन्दी थप्ने स्वास्थ्यको प्रस्ताव अर्थ मन्त्रालयबाट बुधबार स्वीकृत भएको छ । ‘स्वास्थ्यको तल्लो तह देखि माथिल्लो तह (एघारौँ तह) सम्म विभिन्न…

स्वास्थ्यसमाचार/ रुपन्देहीको सैनामैनाबाट विहिबार प्रहरीले ठूलो परिमाणमा लागुऔषधसहित एक युवालाई पक्राउ गरेको छ । सैनामैना नगरपालिका वडा नं. ११ बनकट्टी स्थित इलाका प्रहरी कार्यालय सालझन्डीबाट खटिएको प्रहरी टोलीले पूर्व-पश्चिम राजमार्गमा चेकजाँच गर्ने क्रममा लागुऔषधसहित घोराही उप-महानगरपालिका वडा नं.१४ बस्ने २८ वर्षीय रबिन बुढा पक्राउ परेका हुन् । बुटवल देखि दाङ तर्फ जादै गरेको लु १ ज ४९३६ नं.को ईभी गाडीमा सवार व्यक्तिलाई शंका लागि खानतलासी गर्दा उनले पछाडि भिरेको कालो झोला भित्र लुकाई छिपाई राखेको लागु औषध फेला परेको थियो । जिल्ला प्रहरी कार्यालय रुपन्देहीका अनुसार उनको साथबाट सेराज्याक २…

स्वास्थ्यसमाचार/ सरकारले राष्ट्रिय स्तरका स्वास्थ्य सेवासँग सम्बन्धित ६ वटा ट्रेड युनियन खारेज गर्ने निर्णय गरेको छ। श्रम तथा व्यवसायजन्य सुरक्षा विभागले आज सूचना जारी गर्दै खारेज गरिएका ट्रेड युनियनहरूको नाम सार्वजनिक गरेको हो। विभागका अनुसार खारेजीमा परेका कुल १२ वटा ट्रेड युनियनमध्ये स्वास्थ्य क्षेत्रसँग सम्बन्धित ६ वटा रहेका छन्। निजामती सेवा ऐन २०४९ (दोस्रो संशोधन २०६४) को दफा ५३ को उपदफा (२) बमोजिम दर्ता भएका नेपाल स्वास्थ्यकर्मी संघ र मधेशी स्वास्थ्यकर्मी फोरम नेपाल खारेजीमा परेका छन्। त्यस्तै, नेपाल स्वास्थ्य सेवा ऐन २०५३ को चौथो संशोधन २०७० को दफा ९२ क…

स्वास्थ्यसमाचार/  एडभान्स इन्टरनेसनल हस्पिटलका डाइरेक्टर तथा युवा उद्यमी ई.सुरज उप्रेती नेपाल उद्योग वाणिज्य महासङ्घको ६०औँ वार्षिक साधारण सभाबाट एसोसिएट सदस्यतर्फ निर्वाचित भएका छन्। उनको निर्वाचितसँगै स्वास्थ्य तथा निजी व्यवसायिक क्षेत्रमा सक्रिय युवा नेतृत्वलाई नयाँ ऊर्जा मिलेको बताइएको छ। हस्पिटलका सञ्चालनकर्ता कमल भण्डारीले ई.उप्रेतीको विजयलाई स्वागत गर्दै यसले उद्योग क्षेत्र तथा अस्पताल सञ्चालनसँग सम्बन्धित व्यवसायहरूलाई समेत राहत र सहजता प्रदान गर्ने बताएका छन्। उनका अनुसार युवा नेतृत्वको सहभागिताले निजी क्षेत्रको नीति निर्माण र व्यवसायिक वातावरण सुधारमा महत्वपूर्ण योगदान पुर्‍याउनेछ। उद्योग वाणिज्य महासङ्घमा स्वास्थ्य क्षेत्रका उद्यमीहरूको उपस्थिति बढ्दै जाँदा निजी क्षेत्रको विकास…

स्वास्थ्यसमाचार/ एड्स हेल्थकेयर फाउन्डेसन (एएचएफ) नेपालले एचआईभी रोकथाम, परीक्षण, उपचार तथा हेरचाह सेवामा निरन्तर सहकार्य गर्दै आएको जनाएको छ। बुटवलमा आयोजित मिडिया ब्रेकफास्ट कार्यक्रममा एएचएफ नेपालले नेपाल सरकारसँग सहकार्य गर्दै देशभरका १९ वटा एआरटी क्लिनिकमार्फत सेवा प्रवाह भइरहेको जानकारी दिएको हो। कार्यक्रममा एएचएफ नेपालका लुम्बिनी प्रदेश संयोजक धर्मराज भट्टराईले एएचएफ सन् १९८७ मा अमेरिकामा स्थापना भएको अन्तर्राष्ट्रिय गैरनाफामूलक संस्था रहेको जानकारी दिए। हाल विश्वका ५० भन्दा बढी देशमा एचआईभी तथा एड्ससम्बन्धी उपचार, परीक्षण र हेरचाह सेवा सञ्चालन गर्दै आएको संस्थाले नेपालमा सन् २००८ देखि काम सुरु गरेको उनले बताए। उनका…

स्वास्थ्यसमाचार/ नेपाल चिकित्सक संघ (एनएमए) को ३० औं कार्यकारिणी निर्वाचनअन्तर्गत लुम्बिनी प्रदेश उपाध्यक्ष (प्रदेश संयोजक) मा डा. नन्दा कुमारी गुरुङ निर्वाचित भएकी छन्। निर्वाचन परिणाम अनुसार डा. गुरुङले २,९१० मत प्राप्त गर्दै विजयी हुँदा उनका प्रतिस्पर्धी डा. सन्तोष पोखरेलले २,२४२ मत प्राप्त गरेका छन्।

स्वास्थ्यसमाचार/ नेपाल चिकित्सक संघको अध्यक्षमा डा. बद्री रिजाल निर्वाचित भएका छन् । संघको ३० औं कार्यकारिणीका लागि भएको निर्वाचनमा डा.अध्यक्ष निर्वाचित भएका हुन् । डा.रिजालले आफ्ना नजिकका प्रतिस्पर्धी डा.मंगल रावल भन्दा २५६ बढी मत प्राप्त गरे । रिजालले ३१९६.मत पाउँदा डा. रावलले २९४० मत पाए । अध्यक्षका अर्काे प्रतिस्पर्धी डा.नारायणप्रसाद भुसालले ८६९ मत प्राप्त गरे । त्यसैगरी बरिष्ठ उपाध्यक्षमा डा. सञ्जिव तिवारी विजयी भएका छन् । उनले ३०३६ मत पाए । उनका प्रतिस्पर्धी डा.कीर्तिपाल सुवेदीले २३०२ मत ल्याए । डा.अजय कुमार मिश्रले १४२१ प्राप्त गरे । महासचिवमा डा.विश्वराज दवाडी विजयी…