स्वास्थ्यसमाचार/ नेपालमा थप २४ जनामा ओमिक्रोन भेरियन्ट पुष्टि भएको छ । कोरोना भाइरसको नयाँ भेरियेन्ट ओमिक्रोन २४ जनामा पुष्टि भएको छ । दुईसय ५० जनामा परीक्षण गर्दा उनीहरुमा उक्त भेरियेन्ट सङ्क्रमण पुष्टि भएको हो । स्वास्थ्य तथा जनसङ्ख्या मन्त्रालयका अनुसार यही पुस महिनामा एक हजार १४६ जनामा गरिएको परीक्षणमा २५० जनामा एस–जिन नेगेटिभ भेटिएको हो । ती नेगेटिभ देखिएकाका २४ नमूनाको जिन स्क्रिनिङ गर्दा सबैमा सङ्क्रमण पुष्टि भएको हो । ओमिक्रोन भेरिएन्टको सङ्क्रमण रोकथाम र नियन्त्रणका लागि सबै अस्पताललाई तयारी अवस्थामा राख्न मन्त्रालयले निर्देशन समेत दिएको छ । “ओमिक्रोनले गर्दा…

स्वास्थ्यसमाचार/ पूर्व स्वास्थ्यमन्त्री गगन थापाले स्वास्थ्य क्षेत्रको विकास र प्रवर्द्धनका लागि काम गर्न जनस्वास्थ्यकर्मीहरुलाई आग्रह गरेका छन्।नेपाल जनस्वास्थ्य संघको पेशागत समूहको अन्तरक्रिया कार्यक्रममा पूर्व स्वास्थ्यमन्त्री थापाले नीति निर्माण तहमा नेतृत्वलाई बुझाउन र लबिइङका लागि जनस्वास्थ्य संघको महत्वूर्ण भूमिका रहेको बताए। उनले भने, ‘नीति बनाउने तहमा नबुझेकाहरुलाई बुझाउने र स्वास्थ्य क्षेत्रको विकास तथा प्रवर्द्धनका लागि जनस्वास्थ्य संघको महत्वपूर्ण भूमिका हुन्छ। स्वास्थ्य क्षेत्रको विकासका लागि काम गर्न मेरो आग्रह छ।’नेपाल जनस्वास्थ्य संघ केन्द्रीय कार्यसमितिको निर्वाचन यही पौष २४ गते हुँदैछ। निर्वाचनमा उम्मेदवारहरुले उठाएका प्रतिवद्धताहरु पुरा गर्न थापाको आग्रह छ। कार्यक्रममा निर्वाचनका उम्मेदवारहरुले…

स्वास्थ्यसमाचार/ भैरहवा स्थित सनराइज वैक र सिद्धार्थनगर सिटि हस्पिटल बीच क्रेडिट कार्ड सुविधा बाट कपाल प्रत्यारोपणको लागि ऋण सम्झौता भएको छ पौष १९ गते सिद्धार्थनगर सिटि हस्पिटलमा भएको कार्यक्रममा हस्पिटलका प्रबन्ध निर्देशक अर्जुन पौडेल, डर्माटोलोजिष्ट डा.चन्द्र मोहन शाह र बैकका शाखा प्रमुख हरिहर सुवेदी बिच सम्झौता पत्रमा हस्ताक्षर भएको हो । बिगत ६ महिना देखि अत्याधुनिक मेसिनयुक्त,उच्च लगानीमा निर्मित १०० बेडको यस हस्पिटलले नियमित रुपमा कपाल प्रत्यारोपण सेवा प्रदान गरिरहेको छ । संभवत राजधानि भन्दा बाहिर छिटो छरितो कपाल प्रत्यारोपण सेवा प्रदान गर्न सक्ने पहिलो हस्पिटल सिद्धार्थनगर सिटी हस्पिटल हो…

स्वास्थ्यसमाचार/ सरकारले मंगलबार सुरु गरेको बुस्टर डोज खोप अभियान स्थगित गरिएको छ । सरकारले ६० वर्षमाथिका जेष्ठ नागरिक र दीर्घरोगीलाई बुस्टर डोज खोप अभियान सुरु गरेको थियो। स्वास्थ्य तथा जनसंख्या मन्त्रालयले मंगलबार विज्ञप्ति जारी गरी थप छलफल गरी फेरि अभियान सञ्चालन गरिने भन्दै हालका लागि अभियान स्थगित गरिएको बताएको छ। सरकारले भेरोसेल खोप लगाएका ६० वर्षमाथिका जेष्ठ नागरिक र दीर्घरोगीलाई मंगलबारदेखि थप एक मात्रा खोप दिने भनी सोमबार सूचना जारी गरेको थियो । तर त्यसै सूचनाअनुसार खोप केन्द्रमा पुगेका जेष्ठ नागरिक र दीर्घरोगीले खोप पाएका थिएनन् ।

स्वास्थ्यसमाचार/ सिद्धार्थनगर सिटी हस्पिटल, लुम्बिनीरोड, भैरहवामा निःशुल्क निःसन्तान शिविर हुने भएको छ । हस्पिटलको सेवा विस्तार गर्दै बिरामीहरुलाई निरन्तर रुपमा दिदै आएकोमा यही पुस २२ गते बिहीबार काठमाण्डौ तथा विदेशमा लामो अनुभव प्राप्त डाक्टरद्वारा निःसन्तान दम्पत्तिको लागि स्वास्थ्य शिविर आयोजना गरिएको हस्पिटलका मेडिकल डाइरेक्टर प्राफेसर डा जावेद अहमद खानले बताए । अस्पतालका अनुसार शिविरले वर्षौदेखि सन्तान नभएर चिन्तित भईरहेका निःसन्तान दम्पत्तिहरुको लागि बाबुआमा बन्ने अवसर प्रदान गर्नेछ । महिलाहरुमा रहेका विभिन्न किसिमका स्त्री रोगहरुको सफल उपचार पनि गरिने अस्पतालले जनाएको छ । रिष्ठ महिला रोग विशेषज्ञ डा ज्योति रानाद्वारा प्रत्येक…

स्वास्थ्यसमाचार/ नेपाल फार्मेसी संघले दक्ष जनशक्ति हुदा हुदै तालिमको भरमा औषधि बेच्न नदिने बताएका छन्। जनस्वास्थ्य माथि खेलवाड हुने भन्दै संघले तालिमको भरमा कुनै पनि व्यक्तिलाई औषधि बेच्न नदिने बताएका छन्। औषधि व्यवस्था विभागले तालिम दिएर औषधि बेच्न पाउने विवादास्पद विषयलाई औषधि सल्लाहकार समितको बैठकमा एजेण्डा पेश गर्ने तयारी गरेको छ। नेपाल फार्मेसी संघको नेतृत्वमा गएको टोलिले शुक्रबार औषधी व्यवस्था विभागका महानिर्देशकलाई भेटेर यस विषयमा ध्यानाकर्षण समेत गराएको छ। विभागको उक्त तयारी कुनै पनि हालमा पुरा हुन नदिने संघका अध्यक्ष अमृत खनालले बताए। उनले भने, ‘यस किसिमको प्रस्ताव बैठकमा आउनु…

स्वास्थ्य सेवा विभाग इपिडिमियोलोजी तथा रोग नियन्त्रण महाशाखा (इडिसिडी)ले कोभिड-१९ को नयाँ भेरियन्ट ओमिक्रोन सम्बन्धी थप तयारी र सतर्कता अपनाउनका लागि सबै स्थानीय तहहरुलाई ७ बुँदे निर्देशन जारी गरेको छ । इडिसिडीका निर्देशक डा. कृष्ण पौडेलले सबै स्थानीय तह, सबै जिल्ला कार्यलयहरु र सातवटै प्रदेश निर्देशनालयहरुलाई पत्राचार गर्दै कोभिड-१९ को नयाँ भेरियन्ट फैलिन नदिने सतर्कता अपनाउन निर्देशन दिएका हुन् । इडिसिडीले जनस्वास्थ्यका मापदण्ड पालना गर्न, समुदायका जोखिम क्षेत्रहरु पत्ता लगाएर एन्टीजेन परीक्षण गर्न, पहिचान भएका कोभिड केसहरुको व्यवस्थापनका लागि सहयोग र समन्वय गर्न निर्देशन दिएको छ । यसैगरी, कन्ट्याक्ट ट्रेसिङ…

स्वास्थ्यसमाचार/सरकारले कोभिड(१९ विरुद्धको खोपको ‘अतिरिक्त डोज’ दिने निर्णय गरेको छ। स्वास्थ्य मन्त्रालयका सहप्रवक्ता डा। समिर अधिकारीले खोपको ओमिक्रोन भेरियन्टको जोखिमलाई मध्यनजर गर्दै अतिरिक्त डोज दिन लागिएको जानकारी दिए। सरकारले क्यान्सर, उच्च रक्तचाप, मधुमेह, अङ्ग प्रत्यारोपण गरेका व्यक्ति तथा ६० वर्षमाथिका वृद्धवृद्धालाई खोप दिने तयारी गरेको छ। उनका अनुसार राष्ट्रिय खोप सल्लाहकार समितिले ६० वर्षभन्दामाथि र दीर्घरोग भएका व्यक्तिलाई अतिरिक्त डोज दिन सिफारिश गरेको थियो। सोही आधारमा सरकारले निश्चित समूहमा खोपको अतिरिक्त डोज दिने निर्णय गरेको हो। खोपका लागि जिल्ला स्वास्थ्य कार्यालयहरूसँग समन्वय समन्वय गरी भेरोसेल, कोभिशिल्ड र अस्ट्राजेनेका खोप लगाउने…

स्वास्थ्यसमाचार/सरकारले भोलिदेखि लुम्बिनी प्रदेशका ९ जिल्लाका १२वर्षदेखि १७ वर्ष उमेर समूहका विद्यार्थीलाई कोरोना भाइरसविरुद्धको खोप लगाउँदैछ । स्वास्थ्य तथा जनसङ्ख्या मन्त्रालयले मोडर्ना खोपको पहिलो मात्रा यही पुस ४ देखि १४ गतेसम्म विद्यार्थीलाई लगाउने भएको मन्त्रालयका प्रवक्ता डा सङ्गीता कौशल मिश्रले वताईन । लुम्बिनी प्रदेशको रुकुमपूर्व, रोल्पा, प्यूठान, गुल्मी, अर्घाखाँची, पाल्पा, नवलपरासी पश्चिम, कपिलवस्तु र बर्दिया रहेका छन् ।यस्तै मन्त्रालयले यसअघि १२ वर्षमाथिका दीर्घ रोगीका लागि फाइजर खोप लुम्बिनी प्रदेशका ३ जिल्ला रुपन्देही वाके र दाडमा संञ्चालन भएको र अहिले दोश्रोमात्र लगाउने क्रम जारी रहेको स्वास्थ्यजनसंख्या मन्त्रालयले जनाएको छ ।

स्वास्थ्यसमाचार/बहुआयामिक गरिबी, प्राकृतिक तथा मानवीय विपत्ती र कोभिड–१९ जस्ता महामारीका कारणले आर्थिक क्षेत्रमा आएको शिथिलता र कमजोर पूर्वाधारको अवस्थाले नेपालको कुपोषण न्यूनीकरण गर्ने कार्यमा अवरोध पुगेको निष्कर्ष निकालिएको छ । बहुक्षेत्रीय पोषण योजना दोस्रो र अन्य पोषण तथा खाद्य सुरक्षासम्बन्धी कार्यक्रमको विस्तारमा आवश्यक सूचना तथा तथ्याङ्क उपलब्ध गराउन सन् २०२० मा राष्ट्रिय योजना आयोगले सुरु गरेको पोषणको कमी पूर्तिसम्बन्धी अध्ययनमा सो निष्कर्ष निकालिएको होे । विश्व खाद्य कार्यक्रमको सहयोगमा गरिएको यस अध्ययनले पोषणलाई खाद्य प्रणालीको दृष्टिकोणबाट हेर्दै पोषिलो खाद्य पदार्थको उपलब्धता र उपभोगका लागि आर्थिकलगायत अन्य केकस्ता बाधा छन् भन्ने…