स्वास्थ्यसमाचार/रुपन्देहीको तिलोत्तमामा नेपालमै पहिलोपटक आधुनिक प्रविधिसहितको अल्ट्रासाउन्ड सेवा सुरु भएको छ । डाक्टर राजेन्द्र खनालले नेपालमै पहिलोपटक तिलोत्तमाको, वडा नं ३ ड्राइभर टोलमा निदान अल्ट्रासाउन्ड डाइनेस्टीको एण्ड रिसर्च सेन्टर प्रालि अत्याधुनिक मेसिनसहितको अल्ट्रासाउन्ड सेवा संचालनमा ल्याएका हुन् ।
‘आफूले जानेको क्षेत्रमा परिष्कृत प्रविधिबाट खासगरी मातृ शिशु रक्षाको लागि पेटभित्रै भएको बच्चाको स्वास्थ्य कस्तो छ, समग्र रूपमा महिलाको प्रजनन् स्वास्थ्यको अवस्था बुझ्न सामसुङ हेर जीको प्रयोग गर्न खोजिएको हो।’
उनले भने । अत्याधुनिक फाइभ डी अल्ट्रासाउन्ड मेसिनको प्रयोग नेपालमा पहिलो पटक भएको उनको भनाइ रहेको छ । ‘यो नयाँ प्रविधिको अत्याधुनिक मेशिन हो, मलाई सूचना भएसम्म यो तहको मेशिन नेपालमै पहिलो हो’ उनले भने ।
लामो समय सरकारी स्वास्थ्य सेवामा काम गरेका उनले बुटवल लुम्बिनी प्रादेशिक अस्पतालमा मेसुको जिम्मेवारीमा रहँदा राम्रो काम गरेका थिए । कोभिडको समयमा उनले यो क्षेत्रको स्वास्थ्य समस्याका लागि स्थानीय, प्रदेश र संघीय सरकारसँग राम्रो समन्वय गरेका थिए ।
तर विभागीय मन्त्री र राजनीतिक दलको स्वार्थमा मिल्न नसकेका कारण उनी समयअगावै राजीनामा दिएर आफ्नो क्षेत्रमा काम थालेका हुन् । उनले १२ वर्षअघि बुटवलको अस्पताल लाईनमा यो सेवा सुरु गरेका थिए भने यही विषयमा धेरै निजी कलेजहरुमा अध्यापन गराउँदै आएका छन् भने आफ्नै खर्चमा विभिन्न ग्रामीण क्षेत्रमा निःशुल्क स्वास्थ्य शिविर गर्दै आएका छन् ।
प्रालिको वरिष्ठ पत्रकार मदनलाल पौडेलले उद्घाटन गरेका थिए भने पं भिमकान्त पन्थी, संस्कृतिविद् राजेन्द्रकुमार आचार्यसहित ले शुभारम्भ शुभकामना दिएका थिए ।
प्रतिकया दिनुहोस्