स्वास्थ्यसमाचार / लुम्बिनी प्रदेश सरकार अन्तर्गतको स्वास्थ्य तालिम केन्द्र, बुटवलले आगामी आर्थिक वर्ष २०८२/०८३ का लागि प्रशिक्षण आवश्यकताहरू पहिचान गर्न Training Need Assessment (TNA) फाराम भर्ने अनुरोध गरेको छ।
केन्द्रले प्रदेशभरका अस्पताल, जिल्ला तथा स्थानीय तहअन्तर्गतका स्वास्थ्य संस्था, आयुर्वेद चिकित्सा/स्वास्थ्य केन्द्र-औषधालय तथा नागरिक आरोग्य केन्द्रका कर्मचारीहरूको विवरण संकलन गर्न यो प्रक्रिया सुरु गरेको स्वास्थ्य तालिम केन्द्रका जनस्वास्थ्य प्रशासक शिब शार्कीले बताउनु भयो।
यसका लागि सम्बन्धित संस्थाले पत्रसँगै पठाइएको QR कोड स्क्यान गरी गुगल फाराम (१ महिनाभित्र) भर्न आग्रह गरिएको उहाको भनाई छ ।
पत्रमा उल्लेख भएअनुसार, प्रशिक्षण आवश्यकता मूल्यांकनले स्वास्थ्य सेवाको गुणस्तर सुधार गर्न र आगामी तालिम तालिका तय गर्न सहयोग पुग्नेछ। यो सूचना स्वास्थ्य मन्त्रालय, स्वास्थ्य मन्त्रालयका सचिवालय, स्वास्थ्य निर्देशनालय, प्रदेश स्वास्थ्य आपूर्ति व्यवस्थापन केन्द्र लगायतका सम्बन्धित निकायलाई पनि पठाइएको छ।
तालिम केन्द्रका निर्देशक भुबन कुबरले सबै ठाउमा जान सम्भब नभएको र के तालिम लिन आबश्यक हो त्यो सहज का लागी यो माध्यमबाट निबेदन लिन थालेको बताउनु भयो ।
प्रतिकया दिनुहोस्