स्वास्थ्यसमाचार/ रास्वपा बाट निर्वाचित तथा नर्स समेत रहेकी सांसद खिमा बिकले नर्सिङ आन्दोलनपछि तोकिएको तलब नपाएका स्वास्थ्यकर्मीलाई गुनासो दर्ता गर्न आग्रह गर्नु भएको छ ।
सांसद बिकले एक सूचना जारी गर्दै विभिन्न अस्पतालमा कार्यरत स्वास्थ्यकर्मीहरूले आन्दोलनपछिको सहमति अनुसार पारिश्रमिक नपाएको अवस्था भए सम्बन्धित विवरण उपलब्ध गराउन अनुरोध गर्नु भएको हो । उहाँले अस्पतालको नाम र स्थान उल्लेख गरी आफ्नो व्हाट्सएप नम्बर 9847884630 मा एसएमएसमार्फत जानकारी दिन आग्रह गर्नु भएको छ ।
सांसद बिकका अनुसार, बोन्डिङमा कार्यरत स्वास्थ्यकर्मीहरूले पनि यदि सेवा सुविधा नपाएको भए त्यसबारे जानकारी गराउन सक्नेछन्। प्राप्त विवरणका आधारमा स्वास्थ्य मन्त्रालयसँग समन्वय गरी आवश्यक पहल गरिने उहाँले बताउनु भयो।
“सेवा मुस्कानसहित दिनुहोस् र पारिश्रमिक आफ्नो अधिकारअनुसार लिनुहोस्,” भन्दै उहाँले अधिकारबाट वञ्चित भए नडराई जानकारी गराउन स्वास्थ्यकर्मीहरूलाई आह्वान गर्नु भएको छ । सांसद बिकले गुनासो दिने व्यक्तिको पहिचान गोप्य राखिने समेत स्पष्ट पार्नु भयो।
प्रतिकया दिनुहोस्