स्वास्थ्यसमाचार / ३८ औं विश्व एड्स दिवसका पूर्वसन्ध्यामा बुटबलमा अन्तरक्रिया गरिएको छ । एएचएफ नेपालको आयोजना तथा जिल्ला स्वास्थ्य कार्यलय रुपन्देहीको समन्वयमा बुटबलमा अन्तरक्रिया गरिएको हो ।
अन्तरक्रिया कार्यक्रममा बोल्दै जिल्ला स्वास्थ्य कार्यलय रुपन्देहीका प्रमुख उमा थापाले रुपन्देही जिल्लाको एचआईभी एड्सको अबस्था नयाँ दर मृत्यु भएको संख्या परिक्षण तथा उपचारको बारेमा जानकारी गराउनु भयो ।
उहाले रुपन्देहीमा १४५३ जना संक्रमित रहेको र नयाँ १५३ जना पत्ता लगाएको बताउनु भयो । उहाले गत बर्षको तुलनामा संख्या घटेको र उपचार पनि राम्रो रहेको बताउनु भयो ।
उहाले रुपन्देहीको बुटबलमा सबैभन्दा बढी ३४० र ओमसतियामा २४ जना रहेको बताउनु भयो ।थापाले गरिबी, स्वास्थ्य सेवामा पहुँचको कमी, पहुँच भएका पनि स्वास्थ्य संस्थामा नजाने प्रवृत्ति, सेवा लिन गएकाको पनि समयमै उपचार नहुनु जस्ता कारणले पनि एड्स नियन्त्रण हुन सकेको वताउनु भयो ।
नेपालमा एचआईभी संक्रमणको उच्च जोखिममा सुईद्वारा लागुपदार्थ प्रयोग गर्ने, यौनकर्मी र तिनका ग्राहक, पुरुष समलिंगी तथा तेस्रो लिंगी र रोजगारका लागि विदेशिने तथा तिनका दम्पती एवं जेलमा रहेका कैदीका लागि एचआईभी उच्च जोखिम रहेको उहाले बताउनु भयो ।
नेपालमा सन् २०३० सम्ममा एड्स तथा एचआईभी निर्मूल गर्ने सरकारको लक्ष्य रहेको र अनुमानित एचआईभी सङ्क्रमिमध्ये ९५ प्रतिशतको पहिचान गर्ने, ९५ प्रतिशतको उपचार गर्ने र ९५ प्रतिशतको शरीरमा भाइरसको भार न्यून गर्ने योजना अनुसार जिल्लाले पनि काम गरिरहेको बताउनु भयो ।
अन्तरक्रियामा एएचफ नेपालका लुम्बिनी प्रदेश संयोजक धर्मराज भट्राईले लुम्बिनी प्रदेशको अबस्था लुम्बिनी प्रादेशिक अस्पतालबाट दिइएको सेवा उपचारमा आउने बिरामी तथा सेवा दिदा भएको समस्याको बारे जानकारी गराउनु भयो । उहाले नेपालमा एचआईभी संक्रमणको मुख्य कारण असुरक्षित यौन सम्पर्क देखिएको तथ्याकं रहेको बताउनु भयो ।
त्यस्तै जिल्ला स्वास्थ्य कार्यलय रुपन्देहीका एचआईभी फोकलप्रशन टिकाराम अधिकारीले एचआईभी सङ्क्रमिमध्ये ९५ प्रतिशतको पहिचान गर्ने, ९५ प्रतिशतको उपचार गर्ने र ९५ प्रतिशतको शरीरमा भाइरसको भार न्यून गर्ने योजना अनुसार पालिकाले पनि सहकार्य गर्दे आएको बताउनु भयो ।
उहाले सकारात्मक तरीकाले यसलाई प्रचार गरि सरकारको लक्ष्य अनुसार निमुल पार्नको लागी सबैको साथ सहयोग आबश्यक रहेको बताउनु भयो ।
कार्यक्रममा लुम्बिनी प्रादेशिक अस्पताल एआरटी फोकल प्रशन भिम ज्ञवालीले रिता सेन लगायतले बोल्दै एचआईभी संक्रमित माथि अझै समाजमा लाञ्छना र भेदभाव कायमै रहेकाले जनचेतना जगाउन आवश्यक रहेको वताउनु भयो उहाँहरुले, ‘एचआईभी संक्रमितलाई सहानुभूति होइन, सम्मान गर्नुपर्छ ।
एचआईभी भनेको अन्त्य होइन, जीवनको एक नयाँ सुरुवात भनेर बुझाउन जरूरी रहेको बताउनु भयो ।‘अवरोधहरू पार गरौं, एड्स प्रतिकार्य रुपान्तरण गरौं’ भन्ने नाराका साथ ३८ औं विश्व एड्स दिवस मनाईने भएको छ । यो १ डिसेम्बरमा नेपाल सहित विश्वभरि ३८ औं विश्व एड्स दिवस मनाउने गरिन्छ ।
प्रतिकया दिनुहोस्