स्वास्थ्यसमाचार/ भैरहवास्थित युनिभर्सल कलेज अफ मेडिकल साइन्सेज (भैरहवा मेडिकल कलेज) मा कार्यरत नर्सिङ तथा प्यारामेडिक्सको माग सम्बोधनमा प्रशासन उदासीन भएको बताएका छन्। कात्तिक २ गतेदेखि मेडिकल कलेज अगाडि शान्तिपूर्ण रूपमा धर्ना दिएर माग राख्दा पनि मेडिकल कलेज प्रशासनले मागको सुनुवाइ गर्न गैरजिम्मेवार भएको आन्दोलित नर्स तथा प्यारामेडिक्सहरूले गुनासो गरेका छन्। उनीहरूले सरकारले तोकेको मापदण्ड अनुसार तलब दिनुपर्ने, स्तरवृद्धि, श्रम ऐन र स्वास्थ्य मापदण्ड अनुसारको नियुक्ति, सुत्केरी बिदा, जोखिम भत्ता जस्ता सुविधाको माग गरेका छन्। कात्तिक २ गते अस्पताल प्रशासनलाई मागपत्र बुझाए पनि सुनुवाइ नभएपछि पुनः आइतबार थप १२ बुँदे माग…

स्वास्थ्यसमाचार/ देशभर आन्दोलनरत सेवामूलक नर्स र स्वास्थ्यकर्मीहरूको पेशागत मर्यादा, श्रमको उचित सम्मान र तलब वृद्धि मागप्रति नेपाल विद्यार्थी संघ (नेविसंघ) ले ऐक्यबद्धता जनाएको छ। नेविसंघले  विज्ञप्ति जारी गर्दै नर्स तथा स्वास्थ्यकर्मीहरूले उठाएका माग न्यायोचित भएको बताउँदै सरकारलाई छिटो सम्बोधन गर्न आग्रह गरेको छ। विज्ञप्तिमा भनिएको छ, “नेपालका शिक्षित युवाहरू बेरोजगारी, न्यून पारिश्रमिक र असमानताका कारण विदेशिन बाध्य छन्। यस्तो अवस्थामा नर्स र स्वास्थ्यकर्मीहरूले उचित तलब, सम्मान र सुविधा माग्नु स्वाभाविक हो।” संघका अध्यक्ष दुर्गा श्रेष्ठले हस्ताक्षर गरेको विज्ञप्तिमा हाल नर्सहरूको न्यूनतम पारिश्रमिक १७ हजार रुपैयाँ मात्र भएको उल्लेख गर्दै उक्त दर…

स्वास्थ्यसमाचार/न्यून तलब भत्ताबाट काम गर्नुपरेको भन्दै देशभरका विभिन्न अस्पतालमा आन्दोलनरत नर्सहरूको मागका विषयमा छलफल भएको छ । स्वास्थ्य तथा जनसङ्ख्या मन्त्रालयले शुक्रबार सरोकारवाला पक्षहरूको रूपमा आन्दोलनरत नर्सका प्रतिनिधिहरू, नेपाल नर्सिङ सङ्घका प्रतिनिधि, निजी मेडिकल तथा डेन्टल कलेज सङ्घका प्रतिनिधि, जेनजी प्रतिनिधि चिकित्सा शिक्षा आयोगका प्रतिनिधिसहित छलफल भएको थियो । उक्त छलफलमा आइतबार सर्वपक्षीय छलफल हुने निर्णय भएको छ । नेपाल नर्सिङ सङ्घकी अध्यक्ष प्राध्यापक चन्द्रकला शर्माले नर्सिङका समस्या, आन्दोलनरत नर्सले उठाएका माग र सेवा सुविधाका विषयमा छलफल भएको जानकारी गराउनुभयो । उहाँले स्वास्थ्य मन्त्रालयले २०८१ मङ्सिर २७ को स्वास्थ्य मन्त्रीस्तरीय…

स्वास्थ्यसमाचार/  नेपाल नर्सिङ संघ लुम्बिनी प्रादेशिक अस्पताल ईकाई समितिले हाल जारी नर्सिङ आन्दोलनप्रति पूर्ण ऐक्यबद्धता जनाएको छ। संघकी अध्यक्ष विष्णु खनाल पन्थी द्वारा हस्ताक्षरित विज्ञप्तिमा नर्सहरूले माग गर्दै काठमाडौं शिक्षण अस्पताल परिसरबाट सुरु गरेको आन्दोलन न्यायोचित रहेको उल्लेख गरिएको छ। विज्ञप्तिमा स्वास्थ्यकर्मीहरूको मेहनत र समर्पणको मूल्याङ्कन गरी उनीहरूलाई सुरक्षित कार्य वातावरण र उचित पारिश्रमिकको व्यवस्था गर्न सरकारसँग माग गरिएको छ। विज्ञप्तिमा भनिएको छ, “स्वास्थ्य सेवा मानव अधिकारसँग जोडिएको विषय हो। नर्सहरूको उचित मूल्याङ्कन र सम्मान बिना गुणस्तरीय स्वास्थ्य सेवा सम्भव छैन।” संघले नर्सहरूको मागलाई सम्बोधन गर्न सम्बन्धित निकायलाई आग्रह गर्दै उनीहरूको…

स्वास्थ्यसमाचार/ रुकुमका नर्सिङ कर्मचारीहरूलाई लक्षित गरी मनोसामाजिक तथा मानसिक स्वास्थ्यसम्बन्धी ६ दिने तालिम बुटवलमा सुरु भएको छ। स्वास्थ्य तालिम केन्द्र बुटबलकोे आयोजनामा र नेपाल जागरण मञ्च रुकुमको सहकार्यमा सञ्चालन भएको यो तालिम मानसिक स्वास्थ्य सेवा विस्तार गर्ने उद्देश्यसहित सुरु गरिएको हो। स्वास्थ्य तालिम केन्द्र बुटबलका निमित्त निर्देशक भुबन कुबँरको अध्यक्षता तालिम केन्द्रका जनस्वास्थ्य प्रशासक शिब शार्कीको बिशिष्ठ आतिथ्य तथा मनोरोग बिषेशयज्ञ बिनोद पौडेल नेपाल जागरण मञ्च रुकुमका सचिब दिपेन्द्र महतरा लगायको आतिथ्यमा तालिम सुभारम्भ भएको थियो । तालिम शुभारम्भ कार्यक्रममा स्वागत गर्दे स्वास्थ्य तालिम केन्द्रका जनस्वास्थ्य प्रशासक शिव सार्कीले नेपालमा…

स्वास्थ्यसमाचार/  प्राविधिक शिक्षा तथा व्यावसायिक तालिम परिषद् (CTEVT) ले यस वर्षको पीसीएल नर्सिङ (स्टाफ नर्स) कार्यक्रमका लागि प्रवेश परीक्षा नगरीकन एसईईमा प्राप्त जीपीएकै आधारमा विद्यार्थी छनोट गर्ने भएको छ। यससँगै प्रवेश परीक्षाका लागि काठमाडौं आउनुपर्ने झन्झट हटेको छ। परिषद्का सूचना अधिकारी एकराज अधिकारीले अनलाइनमार्फत फाराम भर्ने व्यवस्था मिलाइएको जानकारी दिँदै, विद्यार्थीले आवश्यक कागजातहरू अपलोड गरी निर्धारित समयभित्र आवेदन दिन सक्ने बताए। अनलाइन फाराम साउन ६ देखि २६ गते राति ११:५९ बजेसम्म भर्न सकिनेछ। प्रवेशका मुख्य मापदण्डहरू: एसईई वा एसएलसीमा न्यूनतम २.० जीपीए आवश्यक। अनलाइन फाराम भर्दा ग्रेडसिट, नागरिकता वा जन्मदर्ता,…

स्वास्थ्यसमाचार/ प्राविधिक शिक्षा तथा व्यावसायिक तालिम परिषद् (सिटिइभिटी ) ले तिलोत्तमा नगरपालिकालाई डिप्लोमा इन फार्मेसी र पिसिएल नर्सिङ कार्यक्रम सञ्चालनका लागि पूर्वाधार निर्माण गर्न अनुमति दिएको छ । नगरपालिकाले आगामी आर्थिक वर्षको बजेटमा पूर्वाधार निर्माण गर्न २५ लाख बजेट विनियोजन गरिसकेको छ । सिटिइभिटीले तिलोत्तमा नगरपालिका आफैंले सञ्चालन गर्नेगरी डिप्लोमा इन फार्मेसी र पिसिएल नर्सिङ कार्यक्रमका लागि ४०/ ४० जनाको कोटा समेत निर्धारण गरेको छ । सिटिइभिटीको पत्र प्राप्त भएसँगै अब पूर्वाधार निर्माण र अस्पतालसँग सम्झौता गरेर कार्यक्रम सञ्चालन प्रक्रिया अघि बढाइने नगरपालिकाले जनाएको छ ।तिलोत्तमाले बुटवलको लुम्बिनी प्रादेशिक अस्पताल…

स्वास्थ्यसमाचार/ तिलोत्तमा नगरपालिका क्षेत्रभित्र पाठेघरको मुखको क्यान्सर समयमै पहिचान तथा रोकथाम गर्नका लागि २४ जना नर्सहरूलाई VIA  ( Visual Inspection with Acetic Acid) परीक्षण सम्बन्धी तालिम प्रदान गरिएको छ। तालिम नगर स्वास्थ्य शाखाको समन्वयमा सञ्चालन भएको हो। तालिमका प्रशिक्षकहरूले नर्सहरूलाई VIA परीक्षणको सिद्धान्त, प्रक्रिया, उपकरणको प्रयोग र परीक्षणपछि आवश्यक सल्लाह तथा उपचार सिफारिस सम्बन्धी व्यावहारिक ज्ञान प्रदान गरेका छन्। कार्यक्रममा सहभागी नर्सहरूलाई आफ्नै सेवा केन्द्रमा नियमित रूपमा VIA परीक्षण सेवा दिन तयार पारिएको छ। तिलोत्तमाका नगर प्रमुख रामकृष्ण खाँणले नगरले २४ जना नर्सलाई तालिम दिएको र नियमित रुपमा प्रतेक वडामा…

स्वास्थ्यसमाचार /नेपाल नर्सिङ संघ लुम्बिनी प्रादेशिक अस्पताल इकाई समिति बुटवलले मे १२ (वैशाख २९) का दिन अन्तर्राष्ट्रिय नर्सिङ दिवस विविध कार्यक्रम गरी मनाईएको छ । दिवसको अवसरमा वैशाख २६ गते बुटवल उपमहानगरपालिका वडा नं. १३ स्थित जबई टोल विकास संस्थामा स्तन क्यान्सर स्क्रिनिङ कार्यक्रम आयोजना गरिएको थियो।स्तन क्यान्सर विशेषज्ञ डा. सञ्जय पाण्डेको सहजीकरणमा सम्पन्न उक्त शिविरमा प्रारम्भमा क्यान्सर सम्बन्धी जानकारी दिइएको थियो। कुल ८९ जनाको स्वास्थ्य परीक्षण गरिएकामा ५२ जनालाई मेमोग्राम गर्न सल्लाह दिइएको थियो भने ५ जनाको परिवारमा क्यान्सरको इतिहास रहेकोले विशेष परीक्षणको सिफारिस गरिएको थियो। कार्यक्रममा अस्पतालका मेडिकल…