स्वास्थ्यसमाचार/ तिलोत्तमा नगरपालिका–१०, सेमरा बजार हेल्थपोष्टमा सञ्चालित भिडियो एक्स–रे सेवाबाट चालु आर्थिक वर्ष २०८१/८२ मा कुल ५सय२५ जना सेवाग्राहीले सेवा लिएका छन ।
स्वास्थ्य संस्था प्रमुख जनस्वास्थ्य अधिकृत कमल पान्डेयका अनुसार गर्भवती महिलालाई गर्भावस्थामा ३ पटकसम्म र सुत्केरी अवस्थामा १ पटकसम्म पूर्ण निःशुल्क भिडियो एक्स–रे सेवा उपलब्ध गराइँदै आएको वताउनु भयो। उहाले यस बाहेकका सेवाग्राहीलाई भने ६५० रुपैयाँ शुल्कमा सेवा दिइँदै आएको वताउनु भयो।
“निजी क्षेत्रको भन्दा झन्डै आधा शुल्कमा गुणस्तरीय सेवा दिईएको ” पान्डेयले वताउनु भयो। पान्डेले यो सेवा रेडीयोलोजिष्ट डाक्टरबाट दिईने गरेको समेत बताउनु भयो ।स्थानिय हरिकला चौधरीले सस्तो शुल्कमा घरआँगनमै यस्तो सेवा पाउनु ठूलो राहत भएको वताउनु भयो ।
हेल्थपोष्टमा हरेक महिनाको दोस्रो र अन्तिम सोमबार भिडियो एक्स–रे सेवा नियमित सञ्चालन भइरहेको छ। तर, सेवाग्राहीको चाप बढ्दै गएपछि अबदेखि महिनामा ३ पटक ३ दिनसम्म सेवा विस्तार गर्ने तयारी भएको प्रमुख पान्डेयले जानकारी दिनुभयो।
तिलोत्तमा नगरपालिका मेयर रामकृष्ण खाँणले गर्भवती र सुत्केरी महिलालाई सहज र किफायती स्वास्थ्य सेवा उपलब्ध गराउन नगरपालिका निरन्तर प्रतिबद्ध रहेको बताउनुभयो। उहाँले हेल्थपोष्टमा थप आवश्यक पूर्वाधार र जनशक्ति व्यवस्थापन गरेर हेल्थपोष्टलाई अस्पतालमा स्तरउन्नती गर्ने र सेवालाई अझ प्रभावकारी बनाउन नगरपालिकाले पहल गर्ने वताउनु भयो ।
प्रतिकया दिनुहोस्