स्वास्थ्यसमाचार / लुम्बिनी प्रदेशका १२ जिल्ला १८ हजार ३ जनाले सुरक्षितरुपमा गर्भपतन गराएका छन।
स्वास्थ्य निर्देशनालयका अनुसार आर्थिक वर्ष २०७९/०८० मा प्रदेशका १२ जिल्लामा गरी १८ हजार ३ जनाले गर्भपतन गराएका हुन् ।त्यसअघि आर्थिक वर्षमा १८ हजार ४ सय १५ जनाले सुरक्षित गर्भपतन गराएको तथ्याक रहेको छ।
गर्भपतन गराउनेमध्ये १६ हजार ९ सय ५२ जना २० वर्षभन्दा माथि उमेर समूहका महिला रहेका छन् भने १ हजार ५१ जना २० वर्ष भन्दा कम उमेरका रहेको तथ्यांकमा उल्लेख छ ।
स्वास्थ्य निर्देशनालयका सूचना अधिकारी डोरबहादुर बस्नेतले १२ हजार ७ सय ३२ जनाको मेडिकल विधिबाट सुरक्षित गर्भपतन गराइएको बताए । जसमा १२ हजार ५१ जना २० वर्षभन्दा बढी उमेर समूहका महिला र ६ सय ८१ जना २० वर्षभन्दा कम उमेरका रहेको बताए।
त्यस्तै, ५ हजार २ सय ७१ जनाको सर्जिकल विधिबाट सुरक्षितरुपमा गर्भपतन गराइएको बस्नेतले बताए । तीमध्ये ४ हजार ९ सय १ जना २० वर्षभन्दा बढी उमेर समूहका महिला र ३ सय ७१ जना २० वर्षभन्दा कम उमेर समूहका किशोरी थिए ।
प्रत्येक जिल्लामा अहिले सुरक्षित गर्भपतनका लागि सूचीकृत स्वास्थ्य संस्थाको पहुँच र त्यहीअनुसारको सचेतनामूलक सूचना फैलाइएकाले पनि सुरक्षित गर्भपतन गराउनेको संख्या बढ्दै गएको उनको भनाइ छ ।
असुरक्षित गर्भपतनले महिलाको ज्यानै जान सक्ने भएकाले सचेत हुनु पर्ने उनले बताए । ‘पहिले सूचीकृत स्वास्थ्य संस्थाहरुको संख्या पनि कम थियो, पहुँच थिएन,’ उनले भने ‘अहिले सूचीकृत स्वास्थ्य संस्थाको संख्या बढिरहेको छ । सोहीअनुसारले आफूहरुले विभिन्न कार्यक्रम गरी सचेत गराउने गरेको उनले बताए ।
प्रतिकया दिनुहोस्