स्वास्थ्यसमाचार/ आगामी ४ मंसिरमा हुने प्रतिनिधि तथा प्रदेश सभा निर्वाचनका लागि नेकपा एकीकृत समाजवादीले घोषणा पत्र सार्वजनिक गरेको छ । घोषणापत्रमा समाजवादीले स्वास्थ्यका विषयलाई मौलिक हक संग जोडेर उठाएको छ ।
निशुल्क स्वास्थ्य उपचार जनताको मौलिक अधिकार नारा दिएर उसले स्वास्थ्यका विविधपक्षहरुमा आफ्नो योजना प्रस्तुत गरेको छ । प्रत्येक प्रदे सदरमुकमामा डायोग्नोसिस केन्द्र, ट्रमा सैन्टर अप्रेसन थिएटर आईसीयू तथा भेन्टिलेटर सेन्टर हरु सहितका सुविधा सम्पन्न एक हजार शैयाको अस्पताल, प्रत्येक गाँउपालिकाको केन्द्रमा कम्तीमा २५ शैया तथा नगरपालिकाको केन्द्रमा कम्तीमा १०० शैयाको सुविधा सम्पन्न अस्पताल स्थापना र सञ्चालन गर्ने उसले घोषणा पत्रमा उल्लेख गरेको छ ।
यस्तै प्रत्येक पालिकामा एमडीजीपी लगायत विेषज्ञ चिकित्सक सहितको स्वास्थ्य सेवा उपलव्ध गराउन पहल गरिने समेत उल्लेख छ । विगक गाँउमा एयर एम्बुलेन्स को व्यवस्था गर्ने, प्राकृतिक प्रकोप र विपत तथा महामारीका बेला बिरामीहरुको उद्धार र उपचार निशुल्क गर्ने समेत उल्लेख छ ।
यस्तै क्यान्सर मुटुरोग मिर्गौला, मधुमेह उच्च रक्तचाप लगायतका घातक रोगको औषधि तथा स्वास्थ्य जाँच निशुल्क गर्न पहल गर्नै , औषधि खर्च वापत मासिक ५ हजार सहयोग उपलव्ध गराउन पहल गरिने उल्लेख छ ।
प्रतिकया दिनुहोस्