स्वास्थ्यसमाचार / गुल्मीको रुरुक्षेत्र गाउँपालिकाले स्वास्थ्य सेवा विस्तारका उद्देश्यसहित घरदैलोमै पुगेर ज्येष्ठ नागरिक, अपाङ्गता भएका व्यक्ति र सिकिस्त बिरामीको स्वास्थ्य परीक्षण तथा औषधि वितरण गर्दै आएको छ ।
८० वर्ष माथिका नागरिक र असक्त बिरामीलाई २/२ महिनामा चिकित्सक टोली पठाएर नियमित परीक्षण गर्ने र आवश्यक औषधि घरमै पु¥याउने कार्य निरन्तर जारी रहेको पालिकाले जनाएको छ ।
पालिका अध्यक्ष यदु ज्ञवालीले प्रत्येक स्वास्थ्य चौकीमा २/२ महिनामा चिकित्सक र ल्याबसहितको निःशुल्क स्वास्थ्य शिविर सञ्चालन हुँदै आएको बताए । गर्भवती तथा सुत्केरी, अपाङ्गता भएका व्यक्ति र विपन्न परिवारलाई निःशुल्क एम्बुलेन्स सुविधा दिइएको छ ।
मोतियाबिन्दु अपरेशन निःशुल्क गरिएको छ भने रक्तदानमार्फत संकलित रगत रूपन्देहीमै आवश्यकताअनुसार निःशुल्क उपलब्ध हुने व्यवस्था पनि पालिकाले मिलाएको उनले बताए ।
स्वास्थ्यसँगै खानेपानी र पूर्वाधारतर्फ पनि पालिकाले ‘एक घर एक धारा’ कार्यक्रमलाई प्राथमिकतामा राखेको छ ।गाउँपालिकाको करिब ९० प्रतिशत घरधुरीमा सुरक्षित खानेपानीको धारा पु¥याइसकेको र चालु आर्थिक वर्षमै पूर्ण एक घर एक धारा गाउँपालिका घोषणा गर्ने तयारी भइरहेको अध्यक्ष ज्ञवालीले वताए ।
प्रतिकया दिनुहोस्