स्वास्थ्यसमाचार/स्वास्थ्य मन्त्रालयले पदस्थापनमा भएको गडबडी छानविन गर्ने भएको छ । मन्त्रालयले केही दिनका लागि पदस्थापनको चिठी ‘डिस्प्याच’ गर्न समेत रोकेको छ ।
समायोजन पछिको पदस्थापनमा गडबडी भएको भन्दै नेकपा निकट राष्ट्रिय स्वास्थ्यकर्मी संघको टोलीले मन्त्रालयमा पुगेर सहसचिव शिवराम न्यौपानेसंग छलफल गरेको थियो ।
टोलीले समायोजनमा स्थानीय तहमा पुगेकाहरुलाई संघमा ल्याइएको, सघंमा भएकाहरुलाई प्रदेशमा पठाइएको, स्थानीय तहमा पठाइएको भन्दै उजुरी सहित सहसचिवसंग छलफलमा बसेका थिए ।
‘हामीले २० वटा भन्दा बढी केश प्रस्तुत गरयौँ त्यसपछि वहाँहरु सहसचिवको टीम छानविन गर्ने र चिठी पठाउने क्रम रोक्ने आश्वासन दिनु भएको छ । हेरौँ के हुन्छ,’ टोलीका एक सदस्यले भने ।संघका उपाध्यक्ष रामबहादुर चन्दको अगुवाईमा गएको टोलीले सोही गुनासो लिएर अहिले सचिव खगराज बरालसंग भेट गर्दैछ ।नेपाली हेल्थबाट
प्रतिकया दिनुहोस्