स्वास्थ्यसमाचार/ लुम्बिनी प्रदेश सरकारले आफ्नो स्थापना दिवस बुधबार मनाएको छ। राप्ती गाउँपालिका– ३ सिरिचौर, दाङमा औपचारिक समारोह आयोजना गरेर सरकारले स्थापना दिवस मनाएको हो।
प्रदेश सरकार स्थापना दिवसको अवसरमा चिकित्सक सहित विभिन्न ६१ जनालाई विभूषित गरिएको छ। मुख्यमन्त्री प्रज्ज्वलदीप पदकबाट डाक्टर मोहिउद्दिन किदवाई र डाक्टर राजन पाण्डेलाई विभूषित गरिएको छ। डाक्टर किदवाईलाई नेपालमै धेरै जनताको शल्यक्रिया गरी जनस्वास्थ्यमा उल्लेख्य योगदान गरेको भन्दै विभूषित गरेको छ ।
त्यसगरी पाण्डेलाई तराइका थारु समुदायमा समस्याको रुपमा रहेको सिकलसेल एनेमिया र थालेसिमिया सम्वन्धि स्वास्थ्य समस्या पत्ता लगाई उक्त रोगको उपचारलाई प्रभावकारी बनाउने सम्वन्धमा अध्ययन अनुसन्धानमा सहयोग पुर्याएको भन्दै विभूषित गरिएको हो।
प्रतिकया दिनुहोस्