स्वास्थ्यसमाचार/ बुटबलमा टाइफाइडको खोप नियमित भएको छ।आज एक कार्यक्रमका बिच बुटवल उपमहानगरपालिकाका प्रमुख खेलराज पाण्डेयले नियमित खोप शुभारम्भ गरेका हुन।
नगर प्रमुख पाण्डेले स्वास्थ्यकर्मीहरूलाई खोपको बक्स हस्तान्तरण गरेर कार्यक्रम सुभारम्भ गरेका थिए ।वडा नं ७ दिपनगर स्थित शहरी स्वास्थ्य केन्द्रमा टाइफाइड खोपको सुभारम्भ गर्दै नगर प्रमुख पाण्डेले शहरी स्वास्थ केन्द्रलाई थप व्यवस्थित र सुविधा सम्पन्न बनाउन जरुरी रहेको भन्दै त्यसका लागि सरोकारवालाहरूसँग परामर्श गरेर अगाडि बढ्ने बताएका छन् ।
पाण्डेयले बुटवलमा शहरी स्वास्थ्य केन्द्रलाई थप व्यवस्थित र सुविधा सम्पन्न बनाइने बताएका छन् । सुभारम्भ कार्यक्रममा वोल्दै प्रमुख पान्डेयले बुटवलमा नगर अस्पतालको आवश्यकता बारे पनि आवश्यक छलफल अगाडि बढाइने बताए ।नगरको फोहोर ब्यवस्थापनको लागि विज्ञसग छलफल गरेर अघि बढ्ने बताउदै उनले स्वास्थ्य केन्द्रको भवन निमार्ण गर्ने बिषयमा आफू सकारात्मक रहेको बताएका छन ।
सो अवसरमा बुटवल उपमहानगरपालिका वडा नं ७ का वडा अध्यक्ष तथा शहरी स्वास्थ्य केन्द्र दिपनगर ब्यवस्थापन समितिका अध्यक्ष पदमराज गाहाको सभापतित्व र नगर प्रमुख पाण्डेको प्रमुख आतिथ्यतामा सम्पन्न कार्यक्रममा बुटवल उपमहानगरपालिका वडा नं १० का अध्यक्ष बलु पुन,बुटवल उपमहानगरपालिका स्वास्थ्य शाखा प्रमुख कल्पना पौडेल,शहरी स्वास्थ्य केन्द्र दिपनगरका इन्चार्ज डा.तुलराज शर्मा लगायतले खोपको महत्ववारे छलफल बोलेका थिए ।
स्वास्थ्य शाखा प्रमुख पौडेलले नियमित खोप अन्तर्गत ५ वर्षसम्मका बालबालिकालाई टाइफाइड बिरूद्वको खोप अब नियमिति खोपसंगै दिईने बताईन। रोग लाग्नबाट बच्न खोप पहिलो प्राथमिकता भएको भन्दै उनले नगरका ५६ स्थानमा खोप लगाइने समेत बताईन ।
प्रतिकया दिनुहोस्