स्वास्थ्यसमाचार/ शङ्कर ग्रुपका सञ्चालक सुलभ अग्रवाललाई सम्पत्ति शुद्धीकरणसम्बन्धी कसुरमा पक्राउ गरिएको छ । सम्पत्ति शुद्धीकरण अनुसन्धान विभाग ले बयानका लागि नियन्त्रणमा लिएको बताउँदै उहाँमाथि हाल अनुसन्धान जारी रहेको जनाएको छ ।
सोही क्रममा उहाँलाई शुक्रबार राति पक्राउ गरिएको प्रहरीले जानकारी दिएको छ । यसअघि २०७६ सालमा पनि सुलभ अग्रवाल ज्वरो नाप्ने थर्मल गन महँगो मूल्यमा बिक्री गर्न खोजेको आरोपमा पक्राउ पर्नुभएको थियो । पछि विभागले उहाँलाई तारेखमा रिहा गरेको थियो ।
यसैबीच, सोही दिन शङ्कर ग्रुपका अध्यक्ष शंकरलाल अग्रवाल समेत पक्राउ पर्नुभएको थियो । व्यापारी दीपक भट्ट पक्राउ परेपछि उहाँसँग सम्बन्धित अन्य व्यक्तिहरूमाथि पनि सम्पत्ति शुद्धीकरण अनुसन्धान विभाग ले अनुसन्धान अघि बढाएको जनाएको छ ।
प्रतिकया दिनुहोस्