कपिलबस्तुमा मुम्बईबाट आएका युवालाई क्वारेण्टाइनमा राखियो

कपिलवस्तु / भारतको मुम्बईबाट आएका एक युवालाई क्वारेण्टाइनमा राखिएको छ । कपिलवस्तु नगरपालिका(२, लम्तियाका २५ वर्षीय वृजमन धोबीलाई तौलिहवामा रहेको महेन्द्र आधारभूत विद्यालयमा स्थापना गरिएको क्वारेण्टाइनमा राखिएको हो।

धोबी बुधवार राति मात्रै मुम्बईबाट घर आइपुग्नु भएको हो। उहाँलाई सामान्य घाँटी दुखेको र ज्वरो आएको थियो । मुम्बईबाट आएका धोबीलाई ज्वरो आएको खबर पाएपछि आफू गाउँ गएर क्वारेण्टाइनमा ल्याउन पहल गरेको कपिलवस्तु नगरपालिका २ का अध्यक्ष राम भजन कलवारले बताए ।।

भारतबाट नेपालतर्फ आएका शंकास्पद बिरामीहरुलाई १४ दिनसम्म क्वारेण्टाइनमा राखिनेछ । क्वारेण्टाइनमा स्वास्थ्यकर्मीको निगरानीमा २ हप्तासम्म राखेपछि सामान्य अवस्था देखिए मात्रै घर फर्काइने डा। किशोर बञ्जाडेले बताए । ।

भारतसँग सीमा जोडिएका नाकाहरु कृष्णनगर, मर्यादापुर, चाकरचौडामा सशस्त्र प्रहरीले थर्मोगनबाट ज्वरो जाँच, तथा अन्य निगरानी गरिरहेको प्रमुख जिल्ला अधिकारी दीर्घनारायण पौडेलले बताए ।उज्यालोबाट