प्यूठानको विजुवारमा ग्यास्ट्रो सेन्टर बुटवलको निःशुल्क पेट रोग शिविर

शिविरमा ग्यास्ट्रो सेन्टर बुटवलका वरिष्ठ पेट, कलेजो, आन्द्रा तथा प्यान्क्रियाज रोग विशेषज्ञ डा. मोहन भुसाल सहित अन्य चिकित्सक तथा स्वास्थ्यकर्मीहरूको टोलीले १५० भन्दा बढी बिरामीहरूको स्वास्थ्य परीक्षण गरी औषधि वितरण गरेको थियो।

शिविरमा १८ जना बिरामीलाई ईन्डोस्कोपी सेवा समेत प्रदान गरिएको डा. भुसालले जानकारी दिनुभयो।उहाँका अनुसार समाजप्रतिको उत्तरदायित्वअनुसार दुर्गम क्षेत्रमा सेवा पुर्‍याउने उद्देश्यले यस्तो शिविर सञ्चालन गरिएको हो। डा. भुसालले यस्ता शिविर अन्य जिल्लामा पनि सञ्चालन गर्ने तयारी भइरहेको जानकारी दिनुभयो।

दुर्गम बस्तीमा विशेषज्ञ चिकित्सकसहित निःशुल्क सेवा पाएकोमा स्थानीयवासीले खुसी व्यक्त गरेका छन्।ग्यास्ट्रो सेन्टर बुटवलले यसअघि पनि विभिन्न स्थानहरूमा यस्ता निःशुल्क शिविरहरू सञ्चालन गर्दै आएको जानकारी दिएको छ।

शिबिर को सहयोग र समन्यन निमतारा पोलि क्लिनिक बिजुवारले गरेको थियो ।