स्वास्थ्यसमाचार/शंकरनगर खानेपानी तथा सरसफाई उपभोक्ता संस्थाका निर्वाचित पदाधिकारीहरुलाई पदस्थापना गरिएको छ । माघ २४ गते सम्पन्न निर्वाचनबाट बिजयी पदाधिकारीहरुलाई पदस्थापन गरिएको हो ।
निर्वाचन समितिका संयोजक टेक बहादुर थापाको अध्यक्षता तिलोत्तमा नगर प्रमुख रामकृष्ण खाँणको प्रमुख आतिथ्यता तथा नगर उपप्रमुख जागेश्वरी देबी चौधरीको बिशिष्ट आतिथ्यमा पदस्थापना गरिएको थियो ।
पदस्थापना कार्यक्रममा बोल्दै प्रमुख अतिथी तिलोत्तमा प्रमुख रामकृष्ण खाँणले तिलोत्तमामा अबको २ बर्ष भित्रमा सबैका घरमा स्वच्छ खानेपानीको धारा पुग्ने वताउनु भयो ।धेरै ठाउंमा गुणस्तरीय र सर्भसुलभ तरीकाले खानेपानी पुगेको र केही ठाउंमा खानेपानीको काम भइरहेकोले अबको २ बर्षमा तिलोत्तमा स्वच्छ खानेपानी पुग्ने बताउनु भएको हो ।
उहाले भूमिगत पानी निकाल्ने र भूमिमा पानी नपठाउने अथवा पुर्नभरण नगरिएकाले पानीको मात्रा घट्दै गएको विभिन्न अध्ययनले औंल्याएको वताउदै रोक्नको लागी नगरपालिकाले कस्तो निति बनाउनु पर्नेहो आफुहरु तयार रहेको बताउनु भयो ।
कार्यक्रमका बिशिष्ट अतिथी एबं तिलोत्तमा नगरपालिका उपमेयर जागेश्वरी चौधरीले सामाजिक संस्थाले पैसा जम्मा भन्दापनि नागरिकलाई सुबिधा दिने कुरामा ध्यान दिनुपर्ने बताउनु भयो । उहाले तिलोत्तमा नगरपालिका सरसफाई उन्मुख नगरपालिका भएकोले खानेपानी संगै सरसफाईमा समेत बिषेश ध्यान दिनु पर्ने बताउनु भयो ।
कार्यक्रममा शंकरनगर खानेपानी तथा सरसफाई उपभोक्ता संस्थाका नबनिर्वाचित अध्यक्ष झविन्द्र भण्डारी सबैको सहयोग र सहकार्यबाट अघि बढने बताउनु भयो । उहाले अहिले यस खानेपानीले ८ हजार २ सय घरका करिब ६० हजार भन्दा बढीलाई स्वच्छ खानेपानी उपलब्ध गराएको बताउनु भयो ।
पदस्थापना कार्यक्रममा नेपाली काग्रेसका नगर सभापति हरिलाल पाण्डेय, एमाले नगर अध्यक्ष मिनप्रसाद पोखरेल, जनमुक्तिकी नगर अध्यक्ष राधिका श्रीस पुन रास्वपाका रुस्मत कंडेल नेकपा सी का नगर ईन्र्चाज राजु रसाइली आनन्दवन खानेपानी तथा सरसफाई उपभोक्ता संस्थाका अध्यक्ष किशोर सुबेदी खानेपानी उपभोक्ता महासंघ रुपन्देहीका अध्यक्ष धुर्व धिताल लगायतले बोल्नु भएको कार्यक्रम स्वागत नेकपा माओवादीका नगर अध्यक्ष बेलप्रसाद शर्मा पौडेलले र सञ्चालन निर्वाचन अधिकृत मेघदेब पन्तले गर्नु भएको थियो ।
समितिमा झविन्द्र भण्डारी अध्यक्ष उपाध्यक्षमा चन्द्रकान्त खनाल सचिवमा कमला ज्ञवाली र कोषाध्यक्षमा भीम पौडेल निर्वाचित हुनुभएको छ ।
आठवटा क्षेत्रगत संयोजक राजेन्द्र घिमिरे मानबहादुर थापा सौरभ भुसाल गोपाल थापा दुर्गाबहादुर क्षेत्री जनकलाल पाण्डेय पुष्करनाथ पन्त खिलबहादुर पौडेल निर्वाचित भएको समितिले जनाएको छ ।
प्रतिकया दिनुहोस्