स्वास्थ्यसमाचार /नेपाल कम्युनिष्ट पार्टी नेकपाले बुटवलमा कोरोना भाईरस सम्बन्धी सचेतना कार्यक्रम सुरु गरेको छ । कोरोनाभाईसरले विश्व समुदायलाई नै गम्भीर रुपमा प्रभावित गरिरहेको भन्दै नेकपा बुटवलले नगरका १९ वटै वडामा सचेतना अभियान सुरु गरेको हो ।
कोरोना भाईरसबाट जोगिनका लागि नेकपाले नगरभित्रका सबै शाखा र टोल कमिटीहरुलाई परिचालन गरी यस्तो अभियान थालेको उपमहानगर कमिटी अध्यक्ष बाबुराम पन्थीले बताए ।
चैत्र १ गते १९ वटै वडाका टोल कमिटी र शाखा कमिटीहरुको बिस्तारित बैठकबाट सचेतना अभियान सन्चालन गर्ने निर्णयसँगै यो अभियान थालिएको पन्थीले बताए । सचेतनाका लागि जानकारीमूलक पर्चा बनाई घर घरमा वितरण सुरु गरिएको छ ।
कोरोना भाइरसबाट जोगिनका लागि पुर्व सतर्ककता अपनाउनुपर्ने ठहर सहित नगरका सबै वडामा स्थानीयलाई जनचेतना जगाउने काम थालिएको पन्थीले बताए ।
शनिवार बुटवल–२, ३, ५, ६, ८, ९, १०, ११, १२ र १३ नम्बर शाखाका बैठकहरु सम्पन्न भएको नगर कमिटीका कार्यलय सचिव बालकृष्ण पाण्डेले वताए। उनले बैठकले कोरोना सम्बन्धी सचेतना कार्यक्रम र पार्टी सदस्यता नविकरण कार्य अभियानका रुपमा सञ्चालन गर्ने निर्णय गरेको बताए ।
नगर कमिटीले नोवेल कोरोना भाइरसका लक्षणहरु तथा यसबाट कसरी आफु र अरुलाई बचाउने भन्ने बारे सर्वसाधारणका लागि सचेतना मुलक सन्देशको पर्चा छापि वितरण गर्ने तयारी गरेको छ । नेकपाले बुटवल उपमहानगरभित्र १० हजार संगठित सदस्यहरुलाई परिचालन गरी अभियान चलाउन लागेको सचिव पाण्डेले बताए ।
अभियान अन्तर्गत शाखाका सबै टोल कमिटीहरुले कोरोना विरुद्ध सचेतना अभियान लिएर हरेक स्थानीयका घरघरमा पुग्ने र स्वस्थ रहनका लागि अभिप्रेरित गरिने छ ।
सबै तहका पार्टी कमिटीले आफ्नो तहका जनप्रतिनिधि, सामाजिक जीवनका अगुवा र स्थानीय सञ्चार माध्यमसँग समन्वय गरी कोरोना भाइरसबाट बच्ने उपायका सन्दर्भमा जानकारीमुलक कार्यक्रम सञ्चालन गर्न नेकपा केन्द्रीय कमिटीले यसअघि निर्देशन दिएको थियो।
प्रतिकया दिनुहोस्