स्वास्थ्यसमाचार/स्थानीय नागरिकलाई शुद्ध पानी पुर्याउने उद्देश्यले गुल्मीको कालीगण्डकी गाउँपालिकाले खानेपानी परीक्षण प्रयोगशाला सञ्चालनमा ल्याएको छ । यस गाउँपालिकाको खानेपानी गुणस्तर अनुगमन निर्देशिका, २०८० अनुसार पालिकाभित्र सञ्चालित सम्पूर्ण खानेपानी योजना तथा खानेपानीको लागि प्रयोग भइरहेका संरक्षित मुहानहरुको पानी परीक्षण गरिने भएको हो ।
सफा, स्वच्छ खानेपानी उपभोग गर्न पानीका मूल, स्थानीयले प्रयोग गर्दै आइरहेका मुहानको पानी परीक्षण गरिने भएको गाउँपालिकाका प्रमुख प्रशासकीय अधिकृत नरेश गिरीले जानकारी दिनुभयो ।निर्देशिका अनुसार संरक्षित मुहानहरुको पानी प्रत्येक तीन/तीन महिनामा वर्षातभन्दा अगाडि, वर्षातको समयमा र वर्षात पछाडि परीक्षण गर्नुपर्नेछ ।
यहाँ पालिकाभित्रको खानेपानीलाई व्यवस्थित, सुरक्षित र दिगो बनाउनको लागि विभिन्न ऐन, कार्यविधि तथा निर्देशिकाहरु बनाइ लागु गरिएको छ । पानी परीक्षण गर्नको लागि कम्तीमा १० वटा प्यारामिटर परीक्षण गर्नेगरी खानेपानी परीक्षण प्रयोगशाला सञ्चालन गरिएको उहाँले बताउनुभयो ।
खानेपानी परीक्षणका लागि पुर्तिघाट स्वास्थ्य चौकी, फोक्सिङ् स्वास्थ्य चौकी, अर्वेनी वडा कार्यालय र कालीगण्डकी गाउँपालिकाको कार्यालय ९वास शाखा० मा प्रयोगशाला सञ्चालनमा ल्याइएको छ । स्थानीय नागरिकले वर्षातको समयमा एक पटक आफूलाई पायक पर्ने खानेपानी परीक्षण प्रयोगशालामा पानीको नमुना लिएर अनिवार्य परीक्षण गराउनुपर्नेछ ।
प्रतिकया दिनुहोस्