क्षयरोग मुक्त अभियानका लागि बुटबल उपमहानगरको अभियान तिब्र

स्वास्थ्यसमाचार/क्षयरोग मुक्त पालिका बनाउनको लागि बुटवल उपमहानगर पालिका ले अभियान तिब्र बनाएको छ ।नगर स्तरीय क्षयरोग समन्वय समिति गठन गरेको बुटवले १९ वटै वडामा क्षयरोगको वडा स्तरीय समिति गठन गरेको स्वास्थ शाखा प्रमुख युवराज पाण्डेले जानकारी दिनुभयो ।

उहाँका अनुसार सबै वडाहरूलाई समेटेर पालिका स्तरमा युवाहरुलाई क्षयरोगको अभिमुखीकरण कार्यक्रम गरिने भएको छ । १९ वटै वडाहरुमा क्षयरोगको २० स्थानमा निशुल्क स्क्रिनिङ शिविर संचालन हुदा १५ जना क्षयरोगी पत्ता लागेको छ ।

पालिकामा क्षयरोगको चेक जाँच लाई सहज बनाउन प्रयोगशाला सेवाको बिस्तार भएको रहेको छ । क्षयरोग पहिचान, निदान, उपचार, रोकथाम र बिभिन्न जनचेतनामुलक कार्यक्रमहरु सञ्चालनमा खटाउनुको लागि भनेर हरेक वडाबाट एक एक जना क्षयरोग मुक्त सामुदायिक स्वमसेवक ( टीबीएफसीभी) छनोट गरेर उनीहरुलाई क्षयरोग पहिचान, निदान, उपचार, रोकथाम समेटिएको बिभिन्न विषयवस्तुमा आधारित रहेर अभिमुखीकरण कार्यक्रम पनि सञ्चालन भईसकेको पाण्डेले बताउनु भयो ।

जनस्वास्थ्य शाखा प्रमुख पाण्डेका अनुसार आ.व. २०८०/०८१ मा ४४३ जना क्षयरोगका नयाँ बिरामी दर्ता भै औषधि सेवन गरेको छन् भने गरिब बिपन्न क्षयरोगीको पहिचान गरि खाद्य , पोषण युक्त खाद्य सामग्रीको वितरण ३४ जनालाई गरिएको छ ।

पालिकाले अभियान अन्तरगत विद्यालयका स्वास्थ्य शिक्षक तथा विद्यालय नर्सहरुलाई क्षयरोगको अभिमुखीकरण कार्यक्रम सम्पन्न गरिएको छ । यस्तै क्षयरोगको समिक्षा समेत गरिएको छ । नगर प्रमुख खेलराज पाण्डेले क्षयरोग मुक्त बुटबल उपमहानगरपालिका बनाउन सबैको सहयोग आवश्यकता रहेने भएकोले आफनो ठाउँबाट सहयोग गर्न आग्रह गर्नु भयो।