स्वास्थ्यसमाचार/ तिलोत्तमा नगरपालिकामा कार्यरत स्वास्थ्यकर्मीले छ महिनायता तलबभत्ता पाएका छैनन् । मंसिरको तलबभत्ता बुझे पनि त्यसयता नपाएको भन्दै स्वास्थ्यकर्मी ज्ञापन पत्र देखी कार्यलयमा कालो पट्टी बाँधेर काम सुरु गरेका छन।
स्वास्थ्यकर्मीहरुले नगरउपप्रमुख, प्रमुख प्रशासकीय अधिकृतलाई ज्ञापनपत्र बुझाएका हुन् । तिलोत्तमा नगरपालिकामा ४५ जना स्वास्थ्यकर्मीको दरबन्दी रहेकोमा अहिले ७८ जना कार्यरत छन् ।
दरबन्दी भन्दा बढी स्वास्थ्यकर्मी कार्यरत भएपछि संघीय सरकारले दरबन्दी अनुसारको मात्रै तलव पठाएको छ । त्यसमा पनि गत आर्थिक वर्षमा वृद्धि भएको १५ प्रतिशत तलव नपठाएको तिलोत्तमा–४ स्थित आधारभूत स्वास्थ्य केन्द्रका प्रमुख इश्वरी पौडेलले बताए ।
तत्कालीन स्वास्थ्यमन्त्री गगन थापाको पालामा प्रत्येक वडामा स्वास्थ्य संस्था स्थापना गर्नेगरी ल्याएको योजना अनुसार तिलोत्तमाका १७ वटै वडामा आधारभूत स्वास्थ्य केन्द्र स्थापना गरिएका थिए । ७ वटा स्वास्थ्य चौकीको मात्रै दरबन्दी रहेको तिलोत्तमामा १७ वटा स्वास्थ्य संस्था पुग्दा कार्यरत कर्मचारी ७८ जना पुगे ।
नगरपालिकाका प्रमुख प्रशासकीय अधिकृत नारायण अर्यालले स्वास्थ्य मन्त्रालयले दरबन्दी बाहेकका कर्मचारीको तलव नपठाउँदा समस्या भएको बताए ।
यता स्वास्थ्यकर्मीहरुले भने आफुहरु स्थानीयमा समायोजन भएर आएकाले स्वास्थ्य मन्त्रालय नजान्ने बताए । “हामीले स्थानीय सरकार जान्ने हो, स्वास्थ्य मन्त्रालय हामीले जान्दैनौं, हामीले तत्काल छ महिनादेखिको तलव पाउनुपर्छ”–स्वास्थ्यकर्मी गणेश गौतमले भने ।
स्वास्थ्यकर्मीहरुले दरबन्दी भन्दा बढी भएका पालिकाहरुमा तलव नपाएको देशभर हो। स्वास्थ्यकर्मिले आन्दोलन सरुप आज कार्यलयमा कालोपट्टी बाधेर बिरोध गरेका छन।
प्रतिकया दिनुहोस्