वरिष्ठ फिजिसियन डा. नन्दु पाठक मेडिकल हिरो अवार्डबाट सम्मानित

स्वास्थ्यसमाचार/बुटवलका वरिष्ठ फिजिसियन डा. नन्दु पाठकलाई मेडिकल हिरो अवार्ड प्रदान गरिएको छ । उहाँलाई तिलोत्तमा जेसीजले उक्त अवार्ड प्रदान गरेको हो ।

लामो समय बुटवल आसपास र पश्चिम भेगका अधिकांश जिल्लामा पुगि स्वास्थ्य उपचारलाई सहज र सरल बनाई बिरामीको जीवन रक्षामा अहोरात्र खटिने डाक्टरका रुपमा परिचित बनाउनुभएको छ ।

डा. पाठकलाई मेडिकल हिरो अवार्ड सहित तिलोत्तमामा आयोजना गरिएको क्लवको पदस्थापन कार्यक्रममा सम्मान गरिएको हो । उहाँले स्वास्थ्य सेवामा पुर्याएको योगदानको उच्च सम्मान सहित तिलोत्तमा जेसीजले वर्ष सम्मान अन्तर्गत यस वर्ष चिकित्सा विधामा विकित्ता नायक पुरस्कार (मेडिकल हिरो अवार्डबाट सम्मान गरेको हो ।

उहाँलाई तिलोत्तमा जेसीजका अध्यक्ष महेश शर्मा पौडेल, पूर्वअर्थमन्त्री तथा नेपाली काँग्रेसका प्रवक्ता डा. प्रकाशशरण महत, तिलोत्तमा नगरपालिकाका नगरप्रमुख तथा नेपाली काँग्रेस रुपन्देहीका सभापति रामकृष्ण खाणले अवार्ड सहित दोसल्ला ओढाएर सम्मान गर्नु भएको हो ।

त्यस अवसरमा तिलोत्तमा जेसीजमा नवनिर्वाचित अध्यक्ष प्रकाश न्यौपाने, कार्यकारिणी उपाध्यक्ष महिमा कुवर, सपन पौडेल, उपाध्यक्षमा संजोक ज्ञवाली, डा. मुकेश सापकोटा, सन्तोष ढकाल र प्रकाश पौडेल तथा अध्यक्षले मनोनित गर्ने कानुनी सल्लाहकारमा मनोनित भानु पोखरेल, महासचिवमा रामबहादुर रोका र कोषाध्यक्ष पदमा दीपक घिमिरेलाई पदस्थापन गरिएको छ ।

स्वास्थ्यसमाचारमा प्रकाशित सामग्रीबारे कुनै गुनासो, सूचना तथा सुझाव तथा लेख, विश्लेषण र जानकारी, तथा विज्ञापनका लागि हामीलाई [email protected] मा सम्पर्क गर्नुहोला।

सम्बन्धित शिर्षक :