स्वास्थ्यसमाचार/बुटवलमा रहेको ग्याष्ट्रो सेन्टर बुटवल र विएलके म्याक्स हस्पिटल दिल्लीको संयुक्त आयोजनमा रुपन्देहीमा लुम्बिनी ग्याष्ट्रो एण्ड लिभर अपडेट २०२५ नामक सम्मेलन आयोजना हुने भएको छ ।
तिलोत्तमा नगरपालिका वडा नम्बर १४ मा रहेका टाईगर प्यालेसमा यहि शनिवार प्रदेशका १सय जना भन्दा बढि विशेषज्ञ चिकित्सक, चिकित्सकको सहभागीतामा ग्याष्ट्रोसम्मेलन आयोजना हुन लागेको हो ।
ग्याष्ट्रोसम्मेलनमा विशेषज्ञ चिकित्सकहरुले विभिन्न विधामा आ आफ्नो विचार, मन्थन तथा अन्तरक्रिया आयोजन गर्ने ग्याष्ट्रोसेन्टर बुटवलका सञ्चालक तथा कार्यक्रम संयोजक पेट, आन्द्रा , कलेजो तथा बष्ठि ग्याष्ट्रोलोजिष्टि डा. मोहन भुषालले जानकारी गराउनु भयो ।
पछिल्लो समयमा पेट तथा आन्द्रा, कलेजोसम्बन्धी भएका नया अभ्यासहरु प्रयोगहरूका बारेमा जानकारी गराउने र चिकित्सकीय दक्षता अभिवृद्धि गर्ने उद्देश्यले यस क्षेत्रमै पहिलो पटक उत्त, कार्यक्रम आयोजना गर्न लागिएको कार्यक्रम संयोजक डा.भुषालको भनाई छ ।
यहि वैशाख १३ गते रुपन्देहीको तिलोत्तमा कोटीहवामा अवस्थित टाईगर प्यालेसमा दिउसो ३ बजे कार्यक्रम आयोजना गरिएको जानकारी हुने छ । दिउसो हुने कार्यक्रमको उद्घाटन नेपाल चिकित्सक संघ लुम्विनी प्रदेश अध्यक्ष डा कृष्ण खरेलको प्रमुख आतिथ्यतामा हुने छ ।कार्यक्रमलाई सम्पन्न गर्नको लागी लुम्बिनी इन्टरनल मेडिसिन सोसाइटीले समेत समन्वय गरेको छ ।
कार्यक्रममा नेपाल लगायत भारतका ख्याति प्राप्त पेट आन्द्रा तथा कलेजो रोग विशेषज्ञलगायत विज्ञ चिकित्सकहरुको सहभागिता रहने छ । यस कार्यक्रममा चिकित्सकहरूसँगै कार्यक्रममा सहभागि हुन आउने सहभागीहरुले हाल विश्वमा प्रचलनमा रहेको उपचार प्रणाली, नविनतम सीप र ज्ञानको आदान प्रदान गर्न र बुझन पाउने छन् ।
साथै यस क्षेत्रका रहेका र कार्यक्रममा सहभागी भएका चिकित्सकमा पनि बिरामीको उपचारमा नयां प्रविधिको प्रयोग कसरी गर्ने भन्ने ज्ञान, सिप र दक्षताको वृद्धिसँगै उनीहरुले उत्साह र नयां अनुभव प्राप्त गर्ने जनाइएको छ ।
कार्यक्रमका विशेषाताहरुमा पेट तथा कलेजो विषयसँग सम्बन्धित नेपाल तथा भारतका चिकित्सकहरुको सहभागिताले नयाँ प्रविधिको प्रयोगमा जानकारी, नयां ज्ञान र सीपको प्रदान प्रदानमा सहयोग पुग्ने अपेक्षा व्यक्त गरिएको छ ।
पेट तथा कलेजो रोगसँग सम्बिन्धत समस्याहरुको समाधानमा नयां प्रबिधिको प्रयोगसँगै त्यससँग आउने समस्याको समाधानको लागि राजधानी तथा बिदेश जानुपने बाध्यात्मक अवस्थाको कमि गर्न कार्यक्रम सहयोगी बन्ने छ भने अनावश्यक रुपमा हुने गरिने रिफर लगायत कम खर्चमा उपचार व्यवस्था गर्न महज वातावरणको निर्माण गर्न कार्यक्रम फलदायी हुने जनाइएको छ ।
चिकित्सकहरुको अनुभव, प्रविधिको प्रयोगबारे हुने जानकारी गराउने छ भने यस्ता कार्यक्रमले समयानुकुल बनाउने छ र चिकित्सकहरूमा थप अध्ययन गर्ने बानीको विकास हुने । कार्यक्रममा विभिन्न विषय बिज्ञ (चिकित्सक) हरुको कार्यपत्र प्रस्तुत गर्ने छन् ।
रिसेन्ट एड्भान्स इन लिभर ट्रान्सप्लान्ट को बारेमा बिएलके म्याक्स हस्पिटलका डा. गोग्य मुहले कलेजोको प्रत्यारोपण तय यससँग सम्बन्धित विषयमा कार्यपत्र प्रस्तुत गर्ने छन् । यस्तै बरिष्ठ ग्याप्ट्रोलोजिष्ट डाक्टर संदिपराज कुवँर पेट रोग हथा इन्डोस्कोपी उपचार विधि बारेमा आफ्नो कार्यपत्र प्रस्तुत गर्ने छन् ।
वरिष्ठ फिजिसियन डाक्टर नन्दु पाठकले जनावरबाट फोक्सो तथा अन्य अंगहरुमा मर्ने रोग सम्बन्धि कार्यपत्र प्रस्तुत गर्ने कार्यक्रम तय गरिएको छ । बरिष्ठ डाक्टर रेडियोलोजिष्ट शोभित सिहले कलेजो सम्बन्धि रोगको उपचारमा रेडियोलोजी सेवाको प्रयोग र मेवाका बारेमा कार्यपत्र प्रस्तुतिकरण गर्ने छन् ।
डा. पुकार थापाले औषधी तथा ऋब्ः ले कलेजोमा गर्ने अमर र यसको नविनतम उपचार प्रविधिको बारेमा प्रस्तुतिकरण गर्ने कार्यक्रम तय गरिएको छ भने कार्यक्रम संयोजक समेत रहेका पेट, आन्द्रा, कलेजो तथा बरिष्ठ ग्याष्ट्रोलोजिष्ट डाक्टर मोहन भुसालले जण्डिसका कारण हुने अल्पकालिन र दिर्घकालिन समस्या तथा बेहोसीपन बारेमा कार्यपत्र प्रस्तुतीकरण गर्ने छन् ।
बरिष्ठ ग्याष्ट्रोलोजिष्ट डाक्टर रविन हमालले एक्यूट प्याडक्रियाटाइटिस र यसको समाधान पार विस्तृत कार्यपत्र प्रस्तुत गर्ने छन् । एक दिन आयोजना हुने कार्यक्रममा रुपन्देही, गुल्मी, पाल्पा, अघांखांची, दाङ, प्युठान, नवलपरासी, कपिलवस्तु, जिल्लाबाट सबै विषयका विशेषज्ञ डाक्टर चिकित्सक हरुको सहभागिता रहने छ ।
पेट आन्दा, कलेजो, ग्याष्ट्रो फिजिसियन लगायत झण्डै एकसय विशेषज्ञ चिकित्सकहरुको सहभागीता हुने छ ।
प्रतिकया दिनुहोस्