स्वास्थ्यसमाचार/नेपाल जनस्वास्थ्य संघ लुम्विनी प्रदेशको नयाँ वर्ष २०८२ सालको भित्ते पात्रोको नेपालगन्जमा विमोचन गरिएको छ । लुम्विनी प्रदेशका स्वास्थ्यमन्त्री खेमबहादुर सारुले विहीबार भित्ते पात्रोको विमोचन गरे ।
त्यसक्रममा उनले स्वास्थ्यका क्षेत्रमा संघले महत्वपूर्ण योगदान दिएको बताए । लुम्विनी प्रदेशको स्वास्थ्य क्षेत्रको सेवा प्रवाह र विस्तारमा संघले अझ प्रभावकारी भूमिका निर्वाह गर्नका निमित्त पनि उनले आग्रह गरे ।
मन्त्री सारुले लुम्बिनी प्रदेशमा अझैपनि स्वास्थ्य क्षेत्रमा थुप्रै जनस्वास्थ्यका समस्याहरु रहेको उल्लेख गर्दै त्यसको सुधारका निमित्त संघले महत्वपूर्ण सुझाव समेत दिने गरेको उल्लेख गरे । उनले भने–‘प्रदेशको स्वास्थ्य क्षेत्रमा अनेकन समस्या छन् । ती समस्या समाधानमा जनस्वास्थ्य संघले नवीनतम् सुझाव दिदै आइरहेको छ । स्वास्थ्यकर्मीहरुले धन्यवाद समेत दिनु चाहान्छु ।’
उनले जनस्वास्थ्यका गतिविधिहरु अझै तीव्ररुपमा अघि बढाउन पनि सुझाव दिए । संघका प्रदेश अध्यक्ष सरोज रिमालको अध्यक्षतामा भएको कार्यक्रममा लुम्बिनी प्रदेशका स्वास्थ्य निर्देशनालयका निमित्त निर्देशक रोशनलाई चौधरीले संघले उठाएका स्वास्थ्य क्षेत्रका सवालहरूलाई निर्देशनालयले गम्भीरताका साथ लिने र सम्वोधनको प्रयास गरिरहेको पनि उल्लेख गरे ।
यस्तै संघका अध्यक्ष रिमालले संघले स्वास्थ्य क्षेत्रमा संघले गर्दै आएका कामहरुको बारेमा जानकारी गराउँदै स्वास्थ्य सेवाको विस्तारमा सहयोगी भूमिका निर्वाहको प्रतिवद्धता जनाए ।
कार्यक्रममा प्रदेशका पूर्वमन्त्रीहरु, प्रदेशसभा सदस्यहरु, स्वास्थ्य कार्यालय बाँकेका निमित्त प्रमुख, पालिकाका स्वास्थ्य शाखा प्रमुखहरु, स्वास्थ्यकर्मीहरु, संचारकर्मी हरु लगायतको सहभागिता रहेको उक्त कार्यक्रमको सहजीकरण संघका सचिव नरेश श्रेष्ठले गरेका थिए ।
प्रतिकया दिनुहोस्