स्वास्थ्यसमाचार/ नेपालको राजनीतिमा पछिल्ला वर्षहरूमा नयाँ अनुहार र नयाँ सोचको चर्चा बढिरहेको छ। पेशागत दक्षता र सामाजिक सेवाबाट पहिचान बनाएका व्यक्तिहरू राजनीतिमा प्रवेश गर्ने क्रम पनि विस्तार हुँदै गएको छ। यही पृष्ठभूमिमा रुपन्देही–३ बाट प्रतिनिधिसभा सदस्यमा निर्वाचित डा. लेखजंग थापा यतिबेला चर्चा र अपेक्षाका केन्द्र बनेका छन्। वरिष्ठ न्युरोलोजिस्टका रूपमा लामो समयदेखि स्वास्थ्य क्षेत्रमा सेवा दिँदै आएका डा. थापाले अहिले राष्ट्रिय स्वतन्त्र पार्टी (रास्वपा) को तर्फबाट राजनीतिमा सक्रिय भूमिका निर्वाह गर्न थालेका छन्। हालै सम्पन्न प्रतिनिधिसभा निर्वाचनमा उनले ५८ हजार ८१४ मत प्राप्त गर्दै उल्लेखनीय मतान्तरसहित विजय हासिल गरेका छन्।…